✧ قــا ̍نۨــۏنۨ اڷــحۡــب✧ { باللهجة الجزائرية}

° 30 °

*بسم الله*
.
.
.
.
.
.
.
.
.
.
✧ الحلقة الثلاثون ✧

عند غيث...

صونات ساعة لخرة ديالو لم دوزانو وخرج هبط لقاعة لآساتذة حط كرطاب وخرج رايح لدار

مع وصل وسطاسيونا لقا آنيسة هبطت من طونوبيل وفرحانة غلق لباب تع طونوبيل وعقد حواجبو .. راح ليها

غيث: السلام عليكم

آنيسة: وعليكم سلام

غيث: وين كنتي يما تعرفي بابا ميحبش تخرجي برک

آنيسة: ادخل ادخل ندي رايک فوحد لحاجة

سبقاتو وهو موراه مستغرب من واش تحتاجو دخل لصالون وريح شوي هكا هبطت وريحت جنبو

آنيسة: والله يا غيث شفت ايهاب كيفاه رجع ومنعرف كيفاه نديرلو كامل

غيث: تعرفيه مزال برک يدير عقلو في راسو منبعد ساهل

آنيسة: انا و باباک خممنا في حاجة لبارح

غيث : لي هي؟

آنيسة: نزوجوه

رمش عينيه منبعد استغفر مفهمش يماه منين خرجت بهاذ تخمام وتعرف لي هو غالط

غيث: راكي تهدري منيتک؟ تسنايه يدير عايلة و يولي مسؤول وهو راه وحدو داير تيير

آنيسة: ايه علبالي مي منبعد قلت ايذا حطيناه قدام الامر الواقع راح يتعدل ومشي بين ليلة ونهار

غيث: وشكوون هاذي لي راح تقبل بيه؟ لا خدمة لا آفونير

آنيسة: لقيت وكنت عندهم اصلا

طلع حاجبو وهدر يحاول يفهم
غيث: وشكون ان شاء الله!

آنيسة: ياسمين لي كانت تقرا عندک

شعل عينيه وتقعد في پلاصتو
غيث: كيفاااه يماا ربي يهديک في عوض ما تدعيلو بالهداية حابة تزوجيه وبشكون بلوخرا؟ راهم نفس لعقل

آنيسة: ونتا واش عرفک

غيث: استغفر الله العظيم قرات عندي على واش نظن

آنيسة: وانا عجبتني كون منخيرهاش الطفلة ماشاء الله

ناض باسكو مقدرش يناقشها اصلا كي دير حاجة في مخها ما تتهناش حتى ديرها