✧ قــا ̍نۨــۏنۨ اڷــحۡــب✧ { باللهجة الجزائرية}

° 35 °

*بسم الله*
.
.
.
.
.
.
.
.
.
.
.

✧ الحلقة الخامسة و الثلاثون✧

..........

———{🌹.إشتِياقي لـ وجهك ولِـ تفاصيلك لـ لون عينيّك لـ رِقة حُبك وللذة حديثِك ، لا ينتَهي أبداً...❤ }———

.....

يارا تحكي ::

سمعت صوت نعرفو!  .. و منقدرش نغلط كامل درت باش نشوف حبست في بلاصتي رجعت نرجف ودموع بداو يتحجرو في عينيا

تبسمت بسمة صغيرة حتى طاحت دمعة على خدي حطيت يدي على فمي منيش مآمنة نوو

هو: راني نهدر معاک الاخت واش ديري هنا

يارا: آدهم

رميت خطواتي ليه وحكمتو من يدو
يارا: هاذا نتا آدهم ياک.. علاش روحت وخليتني..

حبسني فنص كي نحا يدو بزور وولا للور مستغرب معلي حاجبو

هو: مدموزال الله يهديک متعرفيني ما نعرفک

بلعت ريقي وريحت نخزر
يارا: آدهم واش لهدرة هاذي معرفتنيش؟ انا يارا مرتک نسيت وشبييک آدهم

هو: ختي انا آسمي ياسين ومنعرف على واش تهدري كامل الله يسترک اخرجي خير ما نخرجک بطريقتي

يارا: لالاااا راااک تكذب .. نتا آدهم

تمتم تحت شنايفو ودار براسو
ياسين: يمااا يماااا ارواحي

قعدت نخزر حتى جات مراة كبيرة شوي لابسة روبة ومحزمة راسها وصلت لعندنا وخزرت فينا

هي: وااش كاين ياسين وشكون هاذي

ياسين : منعرف اديها عندي خدمة نكملها

خزرت فيه وروحت ليه وقفت قبالتو مسحت دموعي وعيطت

يارا: ما ياسين ما جديي نتاا آدهم راجلي ومنيش نكذب

هي: بنتي امشي معايا

جبدتني من يدي وانا نحاول نحكم فيه
يارا: اطلقيني خليني نروح لآدهم

قعدت نبعدلها في يدها حتى خرجتني ومعدتش نشوفو عينيا تضببو من دموع

يارا: قتلللک خليني نروووح عندووو اطلقيني

هي: يهدييک ربييي هذا وليدي

شفت بتول جاية تجري.. نحيتلها يدها وروحت نجري عندها نهدر وندور مورايا