*بسم الله*
.
.
.
.
.
.
.
.
✧ الحلقة السادسة و العشرون ✧
عند سمر....
هبطت فدروج ونهدر وحدي كي لمهبولة منعرف واش يسحق عند جدي هذا
خرجت ملباب رئيسية تع سبيطار ملقيت حتى واحد.. مالا مشيت ل parking حتى نحس بهفة مورايا
درت على غفلة لقيتو فوجهي عيطت عيطة ورجعت للور.. درت يديجعلى صدري وتنهدت
سمر: هكااا دير خلعتني الله يخلعک
ضحک ودار يديه فجيوبو وقال
سيف: امشي
سبقني وانا روحت موراه حتى حبس عند طونوبيل ديالو نوغمالمون
دار وقابلني تكا على طونوبيل وخزر فيا
سيف: ايهيه نسيتي واش هدرنا ؟
سمر: واش؟
قلتها مستغربة غير خزر فيا وضيق عينيه عرفت على واش.. هربت بعينيا نخزر فناس وطونوبيلات المهم هو نو
سيف: قابلة ولا لالا ؟
سمر: مشي وقتو
سيف: وشنوه لي مشي وقتو
سمر: كيما علبالک يارا معندهاش بزاف ملي دارت آكسيدون نفسيتها عيانة وانا منقدرش نروح نقبل وصحبتي مريضة حابتها تكون معايا في كل حاجة
سيف : علبالنا بوضع يارا ومنيش نقلک راح نعرسو المهم تكون بيناتنا حاجة رسمية ونوغمالمو وصلتلک بلي منيش تع لعب ونمشي طول
سمر: اذا كتب ان شاء الله
سيف: لا انت مكتوبي غير مكلاه تصدعيلي راسي ضوگ.. راح نقول ليما تهدر مع يماک
جبد تيليفونو وكمل
سيف: نميرو تع يماک حتى نقولک
استغفرت بصوت وجبدت تيليفون مليتهولو وجيت رايحة حتى سمعتو قال
سيف: متقبليش نتفاهمو
تبسمت وكملت طريقي حتى لفوق.. طلعت للفوق ووصلت عند لباب تع شومبرا فتحتها ملقيتهمش
دخلت نسنا سور راهي مع آدهم.. ولحاجة لي راني خايفة منها هي تتعاود لحكاية لي جازت
والله اسحاق يطلع منو مالغري كانت قادرة دخلو للحبس ديراكت مي فهمتها حبت تخلص كلش بيدها منبعد دالت لحبس
حتى ميساء راهي غايضتني كانت عايشة في وهم وكلش مزيف
كيفاه يقدر يخونها هكا مغاضاتوش ولا نقولو ولادو؟
مام بتول متعرفش كامل بواش صرا وراح تتجرح مي مشي كيما ميساء
فقت على صوت لباب تحل.. لقيت آدهم مدخل يارا ومن وجها لي يتبسم قبل فمها عرفت فيها ان.. شفتها فيدها رافدة وردة ولخاتم ضحكت وروحت ليهم
سمر : حسبتلي سرقتها
آدهم: التهاي فيها بلاک غدوة تخرج راني حكيت مع طبيب
سمر: ان شاء الله
آدهم: بالنسبة ل sport مور مايبراو جروحک ان شاء الله تدخلي وراني مركيتک
سمر: اوكي..
**************
**عند اسحاق**
اسحاق: اففف ميساء وين جي راني مع مساكلي تزيديلي نتيا
ميساء: وعلاش راح نركب فوق ظهرک يخي ني مريحة
اسحاق: ويما
ميساء: عندها صفاء هي تريح معاها يخي
اسحاق: اوكي
نحا تيليفون من وذنو وكوبالها..
اسحاق: هذاااک مخصنيي غير نتي
خزرت في ولادها وحطت يدها على خدها تمسح في دمعتها لي طاحت تبسمت بقهر وحكات
ميساء: لحكاية مش هنا وتحبس راح نوريلک يا سي اسحاق
راحت لخزانة جبدت كلش وحطاتو فليفاليز مخلات حتى حاجة
لاكوافيز رفدتها خلات غير دوزانو.. زادت لمت قش دراري وريحت
***
عند بتول..
دمعة محصورة في عيني.. لمشاكل طاحت في دارنا على خطرة وزيد خرجت ملخدمة عندي قريب سمانة وانا نحوس والو
أنت تقرأ
✧ قــا ̍نۨــۏنۨ اڷــحۡــب✧ { باللهجة الجزائرية}
Romanceهيلاااو كيما وعدتكم هاني جييت بكرو جديد ومن تأليفي اكيييد وبعيدة كل لبعد عن لولة .. وكيما تعرفوني نكتب شوي ونطلق روحي ايباان هاذ لكرو راح تكون كيما لولة راح نعيش معاكم احداثها ونكتاشفها معاكم راح تكون متنوعة فيها .. حب طفولة .. ولاد حومة .. اكييد را...
