*بسم الله*
.
.
.
.
.
.
✧ الحلقة التاسعة ✧
**يارا**
قلتهالو وهربت ملثم هابطة نجري خير ماتعرف ماما
فتحت لباب بالعقل ودخلت روحت لبيتي نتبسم كي لبهلولة
ديسيديت واش صرا يقعد لثم ونرميه مورايا ونبدا حياة جديدة مع آدهم
•
•
•
•
•
•
نضت صباح لبست حوايجي وروحت ستقهويت اصلا لازم نوصل بكري على جال لكنترول
خرجت انا و سمر وفطريق حكيتلها واش صرا بتفصيل
جاز نهار سامط رهج ولخدمة ربي يجيب اصلا نص سوجي مفهمتش جدو
خرجنا وصلتنا شيرين لدار وراحت .. غير دخلت ملباب لقيت ماما تبخر وتزغرت خلعتني قلت سور خبطها كاش واحد
جيت نهدر حبستني فنص ودكتلي ما في فمي شربتلي ونحات يدها
عفاف: بسم الله بسم الله ربي يبعد لعين يارب
يارا: واش كاين معليش تفهميني
عفاف: علاش مقلتيش صباح بلي راكي قابلة
يارا: شكون قالک
عفاف: عيطتلي ليندة قاللها وليدها
يارا: ديجا وصلها
عفاف: يالكلبة تهدري معاه بلا خباري هكاا
يارا: ياودي هدرت معاه زوج خطرات ضاربت معاه زوج خطرات غير نحي تخمام هذا من راسک
عفاف: المهم قبلتي ربي يكمل
دخلت لبيتي نحيت قشي ولبست پيجامة كي لعيباد
*************
*عند ياسمين*
صونات على لعشرة خرجو كامل آما انا ريحت فلكلاصة نريفيزي اصلا عندنا ساعة فراغ باسكو شيختنا تع اسلامية راحت تزيد ولضوک مزال مجابوناش
دخلت عندي نور وريحت قدامي .. هي جبدت تحل لمات وانا خزرت فيها
ياسمين: انا جعت يا جدک وماجبت معايا والو
نور: حتى انا .. اسمعي واش رايک نروحو نشريو ونرجعو
ياسمين: اييه نوضي
أنت تقرأ
✧ قــا ̍نۨــۏنۨ اڷــحۡــب✧ { باللهجة الجزائرية}
Romanceهيلاااو كيما وعدتكم هاني جييت بكرو جديد ومن تأليفي اكيييد وبعيدة كل لبعد عن لولة .. وكيما تعرفوني نكتب شوي ونطلق روحي ايباان هاذ لكرو راح تكون كيما لولة راح نعيش معاكم احداثها ونكتاشفها معاكم راح تكون متنوعة فيها .. حب طفولة .. ولاد حومة .. اكييد را...
