*بسم الله*
.
.
.
.
.
.
.
.
(هذا لبارت تكميلة لي فات باسكو كي پوبلييتو تسوبريما منعرف علاه المهم كملو )
عند بتول..
دمعة محصورة في عيني.. لمشاكل طاحت في دارنا على خطرة وزيد خرجت ملخدمة عندي قريب سمانة وانا نحوس والو
تنهدت وخزرت لروضة.. خطيت خطوة ودخلت لول لي جا في وجهي عبدلله كي شافني ربع يديه عند صدرو وهدر
عبدلله: تبعيني لبيرو
راح وانا تبعتو وساكتة غصة لي في قلبي بركات دخلنا للبيرو راح قعد وانا ريحت واقفة
عبدلله: ايييه يا لالة حتى نبعتولک باش جي تدي دوزانک وتسينيي
بتول: كان عندي ظروف
عبدلله: مدخلني لا في ظروفک لا واش ديري انا لمهم نكمل دوصيک
قعدت نستغفر في قلبي جبد دوصي تع باش نسييني ومدلي سينيت ومديتلو ستيلو
عبدلله: بالنسبة لخلاصک بعتناهولک في ccp وهكا كملنا كلش تقدري تدي دوزانک و بون كوراج
تبسمت من فوق وخرجت ملثم.. طلعت لكلاص لي كنت نقري فيها مالقيت حتى واحد اصلا ليوم ثلاثاء ويخرجو بكري
دخلت هزيت طابلية ديالي ولكتبات.. حطيتهم في صاشي.. رميت خزرة لخرة لروضة وجيت خارجة
حكمت طريق للپوسطة قبل باسكو نسحق دراهم وزيد يارا غدوة تخرج من سبيطار
درت لاشان بعد ساعة ونص باش كملت شغلي وروحت شريت شوي لدار وفاكية ليارا
قعدت نتعافر مع صاشيات حتى سمعت آسمي دورت راسي لقيت خالتي صافية طل عليا من تاقة تع طونوبيل .. دارتلي بيدها ارواحي روحت ليها
بتول: وشراكي خالتي صافية
صافية: حمدلله ونتيا .. يارا كي راهي لباس عليها
بتول: حمدلله غدوة تخرج من سبيطار
صافية: تسما نضربو دورة ليكم
بتول: مرحبا بيكم
صافية: رايحة لدار؟
بتول: وي
صافية: مالا اطلعي نوصلوک في طريقنا
أنت تقرأ
✧ قــا ̍نۨــۏنۨ اڷــحۡــب✧ { باللهجة الجزائرية}
Romanceهيلاااو كيما وعدتكم هاني جييت بكرو جديد ومن تأليفي اكيييد وبعيدة كل لبعد عن لولة .. وكيما تعرفوني نكتب شوي ونطلق روحي ايباان هاذ لكرو راح تكون كيما لولة راح نعيش معاكم احداثها ونكتاشفها معاكم راح تكون متنوعة فيها .. حب طفولة .. ولاد حومة .. اكييد را...
