✧ قــا ̍نۨــۏنۨ اڷــحۡــب✧ { باللهجة الجزائرية}

° 2 °

*بسم الله*
.
.
.
.
.
.

الحلقة الثانية✧

في كندا..

كان راقد على كرشو حتى صونا رافاي .. طفاه بيدو ورجع رقد على ظهرو يخزر فسقف

تنهد وناض .. دخل دوش بعد مدة خرج لبس حوايجو وهبط لكوزينة دار قهوة وشرب

رفد مفاتحو تيليفون وخرج .. راح لبيرو كمل لورق تع نقل للدزاير سينيا وولا لدار

عدل حوايجو فليفاليز وستفهم كامل حتى يوصل لوقت تع طيارة

سمع تيليفونو يصوني رفد لقا سيف صاحبو يعيطلو

آدهم: وي

سيف: واش وقتاه جي باش نكون نسنا فيک

آدهم: على 8 تع ليل نقلع منا تسما لوحدة تع لعشية عندكم نكون تما

سيف : آيا صحا .. متقولش لداركم

آدهم: لالا

سيف: كيما تحب .. حنا ليوم وصلنا لوما نريح شوي

آدهم: درتو درتو وليتو للعاصيمة

سيف: بابا والله علجال آدم راهو غير يبعد

آدهم: خوک وتعرفو مشي جديدة

سيف: وي .. انا نروح نماركي نور فليسي هذا بيناتنا تيليفون

آدهم: ان شاء الله

رما تيليفون ولبس سيرفات .. هبط وطيب ماكلة خفيفة مابيد يوصل وقت طيارتو كلا وفرز لحالة

.....

مع لوقت وصل لمطار فراو لورق وكذا ..
جازو سوايع فطيارة حتى كره حياتو رقاد ومجاهش

عندو بزااف مجاش لدزاير منهار كان في عمرو 18 وراح يقرا لكندا مولاش

باباه كان سبة كون مشي هو كون راهو قعد في بلادو وقرا مع لي يعرفهم مشي وهو صغير لقا روحو فلخارج ميعرف حتى واحد

عاش حياتو غير قراية ووحدة .. وصل لدزاير شاف ساعة تع لمطار لقاها 12 اول مرة طيارة مديرش روطار

رفد فاليزاتو وقعد يسنا في سيف لي علبالو راح يضرب ساعة باش يجي قيس ساعة لي تفاهمو عليها

جازت نص ساعة حتى لقاه داخل ناض من لكرسي وراح ليه تسالمو

سيف: بنعمي مكنتش علبالي راک متحمس باش جي لبلاد ناموس