*بسم الله*
.
.
.
.
.
.
.
.
.
بتول تحكي ::
وليت طالعة لفوق مع لبنات.. هما اللي خلو لصالون وانا روحت للبيت وين كانت يارا
بون جبنالها حفافة لدار باسكو اصلا مدارتش حاجة كبيرة مشطة نورمال وماكياج خفيف
هذيک لحفافة كانت تلم في دوزانها باسكو كملتلها
بتول: جوزي تفطري قبل متروحي
حفافة: مرسي يعيشک
خرجت وانا خزرت في يارا تبسمت وروحت بستها
بتول : ياعمري رجعتي شابة
يارا: علاه ملقبل مكنتش شابة؟
بتول: خلاص اسكتي حمباباک
يارا: لعقوبة نشوفوک نتي ونفرحو بيک
بتول: لا راني مليحة هكا انا سييت زهري وخلاص
يارا: علاش تقولي هكا لحياة مزالت طويلة قدامک ونشالله ياربي تلقاي لي يوالمک اسحاق يمات وجازو
بتول: اغلقي سوجي باسكو انا مانيش نخمم في زواج
يارا: مالا واش راكي حابة تريحي وحدک هكا؟
بتول: ايه احسن
صغرت عينيها وحكمتني من يدي
يارا: قولي متخبيش عليا
بتول: واش نقول؟
يارا: لي في لسانک ضوک ضوک
بتول: يا والله نتي مرضتي مفهمتش كيفاه راح ديري عايلة
يارا: آدم!
شعلت فيها عينيا وبعدت عليها
بتول: واش راكي تخلطي؟
يارا: منيش نخلط منيش ذراري.. حاسة حاجة بيک ومن خزراتک ليه يبانو
بلعت ريقي وريحت فلكنابي منعرف علاش رجعت نرجف وحدي
بتول : مشي كيما راكي تخمي آدم خدمت معاه شهر شهرين منعرف وجازت وانا منيش طفلة باه لي يجي نطيح فيه ونتي علبالک منيش من هاذ نوع
يارا: حابة تهبليني بتول صح صح تحسي حاجة من جيهتو
ريحت جنبي وحطمتني من كتفي دورتني ليها
يارا: قولي
أنت تقرأ
✧ قــا ̍نۨــۏنۨ اڷــحۡــب✧ { باللهجة الجزائرية}
Romanceهيلاااو كيما وعدتكم هاني جييت بكرو جديد ومن تأليفي اكيييد وبعيدة كل لبعد عن لولة .. وكيما تعرفوني نكتب شوي ونطلق روحي ايباان هاذ لكرو راح تكون كيما لولة راح نعيش معاكم احداثها ونكتاشفها معاكم راح تكون متنوعة فيها .. حب طفولة .. ولاد حومة .. اكييد را...
