✧ قــا ̍نۨــۏنۨ اڷــحۡــب✧ { باللهجة الجزائرية}

⊙ الشخصيات ⊙

*بسم الله*
.
.
.

يارا::  هييلووو انا يارا عمري 22 سنة نقرا فلجامعة بقالي عام لاسوتنوس متبعى تسيير واقتصاد باسكو نحب حاجة آسمها ادارة اعمال عامي تع لباک لول صراولي بزااف مشاكل ومجبتوش واهمهم موت بابا الله يرحمو نوصفلكم روحي.. انا ماطويلة ما قصيرة جاية نص نص .. سمرا وعينيا نوازات وصراحة نشبه لماما ربي يحفضها .. شعري شاتان وطويل .. دايرة حجاب بيان سوغ ملي دخلت لسيام.. وعايشة مع يما وزوج خوتاتي ضوک نعرفهملكم

بتول:: بتول ختي لكبيرة .. مخطوبة من اسحاق هو بروف فلافاک ويقريني في عمرها 25 سنة .. هي مسكينة تخدم غير باش تعاونا وتعاون روحها وهاذ لحاجة بزااف مقلقتنيي المهم هي جاية بلوندا وعينيها كحولة وملتازمة بالبزااف مشي كيما حنا منعرف اسحاق مسكين كيفاه يحكيي معاها .. نروحو لآخر عنقود في عايلتناا

ياسمين:: ياسمين صغيرة ديالنا مي مشي معنتها مدللينها باسكو يفسدو طباعها وهي صغيرة وطايشة في عمرها 18 سنة عامها تع باک وبعد مالعبت براسها دارت تسيير .. هي طوايشيا تع دار بعدي آنا بيان سوووغ ديفواا دير ديجاات مي نجوزوهاا

عفاف:: امي واحسن ام فدنيااا تعبت علينا باش قراتنا وكبرتنا وان شاء الله نشرفوها وتفتاخر بينا ..عمرها 48 سنة هي خياطة وتخيط لعرايس وانا بدراهم لابورس لميتلها دراهم شريتلها وحدة تخدم بيها .. وحمدلله
بزاااف يشبهوني بيها يمكن هذا احسن شبه

اسحاق:: نروحو لنسيبنااا هو صح بزااف هايل مي زابطني فتقوييم .. نهدر بزاف واش نديرلو مي حرام علييه .. في عمرو 31 سنة ويقرينا محاسبة .. مي كومام بروف مليح هه
هو طويل شوي ومسرار .. وعايلتو مع لوقت نعرفوهوم

شيرين :: هي من شلة ديالنا الانتمية كيما سميناها .. المهم هي مراهيش عايشة فالكارتي ديالنا معلئسفففف .. لعام تع لباک قررو يرحلو باسكو طاطا ليندة يماها فتحت حانوت تع حوايج وباباها لقا خدمة مليحة خلاتهم يرحلو مي قعدو فالعاصيمة ووليدهم لكبير آدهم بعتوه لكندا يقرا نهار لي راح تقسم قلبي على زوج باسكو كنت قريبة بزااف ليه لاعلينا ... شيرين بلوندة وطويلة شويا عينيها نواغ وشعرها طويل .. خوها دارلها خيمار بدراع المهم منبعد اقتانعت بيه

سمر:: وآخر واحد فالتعريفات هي صحبتي لانتيم تسكن مقابلتنا فلباطيمة وصح كي كنا صغار نضاربو مي منهار دخلنا نقراو وطحنا في كلاصة وحدة ولينا نتفاهموو.. حنا قد قد وجابت لباک قبلي مي لعام لول ديالها فلفاک عاوداتو .. المهم سمر على حسب آسمها سمرة ورقيقة .. عينيها ماغون وكيما تقول هي  فشمس يبانو عسليين لاعلينا

************

- توحشتكم صراااحة .. قلت نخبطكم بكرو مختلف تماما على لي جاز .. تعرفوني يااک لكرو دياالي دايما منكتبهاش ملقبل تسما نتخيلها معاكم .. نتمنى نلقى دعم كيما لي فاتت ..

- منلقاكمش هنا نزعف .. بديتلكم شخصيات آدو نضرة على تعريف باسكو وسعتو ومدولي رايكم .. لا شفت تفااعل زيين غدوة نحط الحلقة لولى

- قولولي لاحابين نحط تصاور ولا تتخيلو وحدكم

- إلى الملتقى...

- أحبكم ♡