*بسم الله*
.
.
.
.
.
.
.
.
.
✧ الحلقة التاسعة و الثلاثون ✧
يارا تحكي...
سمعت حس ملكوزينة رعشت رعشة لعمر ويني انا.. دخلت حتى قابلني مريح شعلت عينيا من شوک
يارا: ننتااااا
تبسم وناض من لكرسي.. واش جابوو كيفااه جااا لبارح هدرت معاه قالي منجيش وبلا بلا
آدهم: معجباتكش سوربريز
روحت ليه وتبسمت
يارا: كيفاه حتى جيت ومقوتليش آصلا
آدهم: ارواحي عندي توحشتک
عنقني وانا تاني.. في كل صلاة ندعي ربي يرجع كلش مليح
يارا: واش صرا حتى وليت
جبد روحو وحكمني من يدي
آدهم: هدرنا مع لبوليسي لازم نولي باش نحقق انا تاني وجبدنا ملفات قدم مام تع وليدو ولازم سم تع محامي باش يتجبدو ومكاش منغيري
يارا: ان شاء الله ربي يفرج
سكت شوي اومبعد عيطت
يارا: شحااال ساااعة
آدهم: راهي لعشية قريب لمغرب
يارا: راااک تحرش توخذت دوک تتقلق ماما اووف منک
آدهم: يااه مرتي بالقانون و الفاتحة وميتة ملخلعة
يارا: اسكت حمباباک تخمم وحد تخمام.. وصلني ضوكا
آدهم: اوكي
شفتو شنف مي واش نديرلو مكاش كيفاه نزيد نريح
يارا: وينها بسكاتي
أدهم : فلبيت لي كنتي فيها.. البسي واخرجي ني لتحت نسنا
حكمتو من يدو قبل ميروح
يارا: ماتشنف ما نانا الله غالب منقدرش نريح
آدهم: معليش روحي نوصلک
روحت للبيت لي كنت لبست باسكاتي وعدلت خيماري وخرجت غلقت لباب وهبطت لتحت لقيتو متكي على طونوبيل داير كاسكيطا ونواظر.. اييه يا دنيا وين وصلنا
روحت ركبت وهو تاني طريق كومبلي ساكتين حتى نطقت
يارا: تعمن هاذ دار
آدهم: تع سيف
يارا: وقتاه جيت
أنت تقرأ
✧ قــا ̍نۨــۏنۨ اڷــحۡــب✧ { باللهجة الجزائرية}
Romanceهيلاااو كيما وعدتكم هاني جييت بكرو جديد ومن تأليفي اكيييد وبعيدة كل لبعد عن لولة .. وكيما تعرفوني نكتب شوي ونطلق روحي ايباان هاذ لكرو راح تكون كيما لولة راح نعيش معاكم احداثها ونكتاشفها معاكم راح تكون متنوعة فيها .. حب طفولة .. ولاد حومة .. اكييد را...
