*بسم الله*
.
.
.
.
.
.
.
.
.
✧ الحلقة واحد و الثلاثون ✧
عند ياسمين...
عدلت شعري درت شوي بارفان وخزرت لروحي فالمراية.. سمعت يارا تعيطلي رفدت صاكي وخرجت لقيتها واجدة
خرجنا وصلنا لتحت لبلوک شرينا كرواصون وكملنا طريق
يارا: بصح يا شابة كيفاه نشوفوه
ياسمين: معلباليش نوصلو لتم وكلش يبان
يارا: بصح..
خزرت فيا ملتحت لفوق وهدرت
يارا: خارجة معايا هكا ؟ اسمعي حابة تهبليني تقوليلي سلفي ومنا مع لخر مشبحة روحک وضاربة سروار ومفحفحة
سكت شوي منبعد قلت صح وكذا مخممتلهاش هاذي ايماجيني واش خممت كلش طح فالماء! تسما نستبعد غيث ملخر.. تنهدت وكملت معاها طريق مدة وصلنا ليسي
سنينا شوي حتى سمعنا لاصونات كانت ل 11 .. وبداو يخرجو قعدت ندعي يخرج هو ثاني باسكو نريحو بزاف نسناو آواه نو
تخبينا مور طونوبيل بيضة يارا تخزر مافاهما والو
يارا: ياخي خرية وين راه
جيت نهدر حتى شفتو خارج معاه وحد شيخ نوغمالمو تع سبور
ياسمين: شوفيي هاولييک
خزرت وقعدت نشرلها بيدي وين
ياسمين: هذاک لي لابس قاميص
قعدت نخزر فيها ونشوف واش دير عوجت فمها وخزرت فيا
ياسمين: ايه؟
يارا: ايه يجوز
ياسمين: سيريو
يارا: مشفنا والو لا لعقلية لا جد باباهم
ياسمين: خلاص يارا اصلا مشي هو
حكمتني من يدي ومشاتني معاها
يارا: نوغمال مش نهاية العالم.. تعرفي سلفيين كيفاه هما واعرين ميفهموش بلوجيک يفهمو بدين
ياسمين: علبالي
يارا: وزيد نتي وياه عقليتكم مش كيف كيف فهمتي.. هذا باين عليه انسان متشدد وخاطيه لهول وكذا ونتي نعرفک مشي تع كالم اصلا حجاب ماديريهش وهما تعرفيهم يتزوجو بلجلباب
ياسمين: بصح منيش كافرة
يارا: مقلتش هكا مي ديري عقلک في راسک مثلا نتي راكي 19 الله يبارک مشي لهذيک درجة مزالک صغيرة
أنت تقرأ
✧ قــا ̍نۨــۏنۨ اڷــحۡــب✧ { باللهجة الجزائرية}
Romanceهيلاااو كيما وعدتكم هاني جييت بكرو جديد ومن تأليفي اكيييد وبعيدة كل لبعد عن لولة .. وكيما تعرفوني نكتب شوي ونطلق روحي ايباان هاذ لكرو راح تكون كيما لولة راح نعيش معاكم احداثها ونكتاشفها معاكم راح تكون متنوعة فيها .. حب طفولة .. ولاد حومة .. اكييد را...
