حكايتي مع الزمان

البارت الرابع

مرحبا غوالي
عدنا لنكمل معكم رحلتنا لحياة ريم
🚍🚍🚍🚍🚍🚍🚍🚍🚍🚍
وقصة ((حكايتي مع الزمان))

والبارت الرابع

ريم //صحت جدووووو الحگللللللي
بس صرخة مال خايف يمكن رجت المنطقة

خالد //اني من شفت عمي توعد لريم بعد ماگدرت انام ظليت اتگلب

بفراشي واتأفأف وگلبي عاصرني ما ادري ليش يمكن لان ادري بعمي شگد قاسي وية محبوبتي

رائد //يااخي اركد شوية ترة مو بس انت قلق على ريم اني هم اكثر منك

اوووويلي هسة شلون حالها صار
عمي ما يرحمها هو من غير شي يدور الحجة عليها

خالد //انت هم گاعد ولك گلبي عاصرني وخايف عليها حيل عمي مايرحمها وامها هم مو مثل الامهات
منوو يدافع الها هناك سكت شوية

ولك رائد اسمع صريخ حيل كأنه صوت ريم؟؟
رائد //هههههههه خررررب بعرضك اذان رادار ولك اهنا اهنا همة وتسمع
بعدين صار اكثر من ثلاث ساعات
من راحوو لهسة تصرخ هسة انكتلت ونامت عمت عيني عليها اوووف لو الزم ابوها الا ا---------

خالد //ولك اسكت اسمح صريخ وركض نزلت للباب جنت لابس برمودة وفانيلا تعلاگة لگيت جدي جوة طالع من الحمام

الجد //هاااااا ولك شكو تركض؟؟؟؟

رائد//نزلت ورة خالد وسمعت جدي حاجاه بس هو مارد گتلة جدي يگول اسمع صريخ ريم برة

الجد //اركض ولك ورة اخوك شوف شكو
خالد //كل ما اقترب للباب اسمع صريخها اكثر رجلية ماتن مااعرف شلون وصلت للباب وفتحت الباب
شفت ريم بالگاع شعرها املخ واكو
ولد يركض لهناك عنها صحت رائددددد اركض ورا جيبة لا تعوفة خل اشوف ريم شبيها

ريم //نهضت خايفة وركضت لجوة

خالد //اني شفت ريم ركضت وطبت جوة واني لحكت رائد ورة الولد

ريم //جان الولد يسحل بية واني اصرخ وگعت بالگاع وثبتت رجلية بس والله اذا ذبحوني ولا قطرة دم
يلگون بية من الخوف وارعش مثل السعفة واحس بلاعيمي اتجرحت من الصريخ شوية وانفتحت الباب

هو شرد وخالد اجة علية ورائد لحگة
من طبيت للحديقة شفت جدو گبالي بالباب مال البيت ركضت ذبيت روحي بحضنة وعلى كثر ماخايفة حسيت اريد ادخل جسمي
بجسم جدوو واصرخ وعلى الهوسة
الكل طلع واحد يخبر واحد

الجد //اني ابوك ياسلمان - - هاااا بوية شبيج ولج شجابج بهالظهرية
احجيييي منو ويااااااج منو مسوي
بيج هييييج

ريم //من كثر ما بجيت وانشغ وخايفة حتى كلام مااكدر احجي
شي  بس بعيوني ادير الهم وهمة خطية انخبصوو
الي يجيب ماي ويشربني اباوع على بنات عمامي كلهن يبجن وبيبي ادك
على صدرها وعمتي ام حسين شابگتني وية جدو وتبجي وتمسح
بشعري