حكايتي مع الزمان

البارت السابع عشر

مرحبا حبايب
عدت اليكم وقصة
{{حكايتي مع الزمان}}
{{والبارت 17}}

خالد //اجيت للبيت عندي مفاتيح دخلت بهداي وصعدت للغرفة فتحتها وظليت صافن عليها شوية واتخيلت ريم بيها تنهدت ونزلن دموعي وعاتبت ربي
ربي شچان يصير لو متممها الي وريم صارت صاحبة هاي الغرفة ربي مااريد اظلم احد واني اعرف نفسي اذا تزوجت امل اضلمها لان ما اتقبل
اي وحدة غير ريم  خصوصا هسة بعدة جرحي ينزف
تالي گمت اخذت جداحة وعلگت النار باطراف الفرشة مال الجرباية والبردة وطلعت سديت الباب وراي
ونزلت بهداي محد حس بية ورجعت لبيت صديقي والحلوو حتى اصدقائي نايمين يمي ماحسو بغيابي وبقيت ثاني يوم اساعدهم بالغدة واشتغل وياهم إلى ان قريب العصر گلت لصاحبي راح ابدل ملابسي واجي رحت للبيت طبيت جانوو گاعدين بالصالة
گلت سلام عليكم

الكل //وعليكم السلام

ابو خالد //تعال بابا اگعد يمي عندي حجي وياك!!!

خالد //لا يابة مو وكته خلي بليل من ارجع اريد اصعد ابدل وارجع للولد احظر الزفة مالتة!!!

ام خالد //اگعد يمة اسمع ابوك لا تصعد فوگ

خالد //جانت وجوهم ماتتفسر اني سويت روحي اثول 😂😂
ليش شكو شبيكم احجووو خل اسمع صاير شي 😳😳

ابو خالد //يبة اليموت مو قضاء وقدر الصار هم قضاء وقدر ولا تزعل اسويلك احلة منها بعد واجهزلك جهاز بعد أحلى

خالد //ليش يبة وغرفتي شبيها اشو خوش غرفة وغالية والسعادة مو بالغرفة يبة

ام خالد //اهئ اهئ اهئ ولك يمة غرفتك طگت بيها الكهرباء واحترگت ماضل منها ولا شي حتى هدومك راحتتت 😭😭😭

خالد //لالالا تگوليها صدوك يمة وشلون احترگت 😲😲

ابو خالد //يبة قدر وراد يصير والله دفع عنة بالغرفة فدوة يبة الحمدالله والشكر انو محد اتأذى من عدنا وليدي

خالد //اني من الاول لاعب گلبي من هالزواجة شفتوو شلون فگر وگلولي بعد خل نزوجك هاذ انذار من الله النة شيعرفنا شيصير بعد

صبار //منووو الفگر عمي هااااااا ليكون قصدك بنتي
{{جان جاي هو والجد الهم وسمع الحجي  }}

ابو خالد //لا يخوي مايقصد بنتك يحجي على الغرفة

صبار //لا تحاول يخوي ✋ادري من البداية هو مجبور عليها بس سكتت لخاطر ابوي وخاطرك اما بعد الكلام السمعتة من رخصتكم بنتي ما انطيهابعد هي مو بايرة ولا زايدة علية حتى اكسر بختها - - اعتبرو الشغلة ملغية بعد - - - وطلع - -

الجد //خاااالد وين جنت امس 😡😡؟؟؟؟؟

خالد //يم محمد صاحبي امس الحنة مالتة وبتنا يمة اني واصدقائي

الجد //وهو يباوع عليه بتحذير)) متأكد من كلامك؟؟؟؟؟

خالد //ايي جدي حتى اسأل الولد كلهم