حكايتي مع الزمان

البارت الثامن عشر

صباح الخير للجميع
عدت اليكم لاكمل معكم قصة
((حكايتي مع الزمان))وو
((البارت . 18))

فلاح //شلووووون صدك ولچ ردتي تذبين الطفل

ريم //لالا والله حتى ما ادري اني حامل وما اعرف
گوة قنع فلاح اني ما اعرف وهم عندة شك بكلامي إلى ان رجعنا للبيت وهمة طول الطريق مستلميني رزايل وحجي اثنينهم اختنگت واحجي بگلبي {{ياربي حتى الفرحة كسروها بصدري ليش اني هيچ حظي لا اهل لا عيال لا رجل ليش ياربي ودموعي تنزل}} إلى ان وصلنا للبيت نزلت تلگونة اخوة فلاح واخواتة

كامل //هااااا شبيها ريم اني گلت بس لا مصران اعور صار عدها

فلاح //وهو شاگ الحلك)) لالا راح تصير عم ريم حامل

كامل //الله الله اللهم صلي على محمد وآل محمد مبرررروووك خوية
مبرررووك ريم فدوة لله ازغر ام انتي 😍😍😍

فلاح //اوگف خل افرحك بعد راح يجي ولي العهد بعد شهر ونص لان الخاتون حامل سبع شهور ونص

ريام //يااااااااا اكول چنتي تگولين مدري شنو يتحرك ابطني لعد هاذا ابنج؟؟؟؟

فلاح //ليش هي جانت تشكيلج؟؟؟ يعني صدك ماتدري بروحها حامل

ريام //لا وين تدري حتى مرة اني گلت لامي ريم تشكي من حركة ابطنها گالت هاي غازات

ريم //فرحت من حجت ريام لان شفت فلاح باوع لامة بنظرة عتب وخزرها

فلاح //ريام بعد اخوچ افرشيلها خل تنام تعبانة لخاطر ابن اخوچ ومن يطلع اگلة عمتك دارت امك هوااي 😜😜😜

ريام //بعد عمتة وروحها هسة تعالي حبيبتي
وراحت فرشت الفراش

ريم //نمت وگامت ريام تجيبلي الاكل بوكتة وشغل ماكو صدگ ارتاحيت شهرين الا شوية وبعد هاي الفترة وبيوم حسيت بالم ابطني وظهري اريد انام ماكو لزمني من الساعة 12 بليل للصبح عاد گعد فلاح

فلاح //هاااا ريم شبيج 😲😲

ريم //بطني وظهري يوجعني حييل مااگدر انام 😭😭😭

فلاح //خل اصيح لامي تشوفج خاف عندج ولادة

ريم //لالالا حباب لا تصيحلها هسة تظل تغلط علية لان زعجناها من الصبح خاف مو ولادة صارلي هواي عندي الام
------------------------------
الكاتبة //جانت ريم تخاف من عمتها كلش هواي لان ماوراها ظهر لاام تحاسب ولا اب ياخذ حقها لذالك تتحمل الالم وماتحجي ابد
------------------------------

  فلاح //تنهد)) يللة ميخالف اتحملي حبيبتي لخاطري هي امي شسويلها يعني ادري بيها تجور عليچ بس مابيدي حيلة اوعدچ بس يصير عدنا ثنين جهال نطلع وحدنا اني وياچ وجهالنة

ريم //نسولف وكل شوية اجتني الوجعة حيل وارد ارتاح إلى ان صارت الساعة بالسبعة سمعنا صوت عمتي طلع فلاح صاحلها اجت حطت ايدها على بطني وگالت