السلام عليكم
عدنا لنكمل معكم احداث قصة
🌺 🌺 حكايتي مع الزمان 🌺🌺
🌺 البارت السادس 🌺
ام كرار //هسة ارتاحيتي هسة ام الطلايب خوو فختي من بليتي جدج بدم ابوج بس والله موتج على ايدي
وهسة تشوفين!!!!!
امير //هاااا هااا هيي انجبي واسكتي هي شعليها لو هاي فتوگج عبالج ماندري شيصير اسكتي احسلج لا والله اسحلج سحل اهنا من الله وتدنين الها الا اخليج اسبوع
ماتمشين على رجليج 😡😡
امشي عموو لجدج نشوفة اكيد ابوج هسة سممت افكارة امج وحشتة عليج
ريم //موقف امي حيل مأذيني وظليت بس دموعي تجري 😭😭
رحت لجدوو وصلت سلمت عليه
الجد //هلا هلا بروحي الردت توها
وج شجابج هااااا
امير //يبة اني جبتها من سمعت بيكم وگعت وجبتها لان نفسها انگطع
الجد //يااا بووووية ولك ليش خليتها تعرف تعاي يبعد شيبي تعاي لا تخافين على ابوج وج العار مايموت
ريم //خفت عليك جدو مالي احد بعد الله وبعدك 😥😥
امير //واحنة وين رحنة عوبة مو اگلج دماغج محشة تبن 😜😜
خلصت هاي الاحداث ومر اسبوعين على طلعت والدي من المشفى وبيوم اجة عمي امير وگال
امير //ريم ابوج بالباب يريدج
ريم//خفت حيل واصفر لوني وانقبض گلبي طلعت رحت عليه
بابا شلونك الله يساعدك ((وهميت اريد ابوسة بس هو ماخلاني))
ورد عليه من ورة خشمة
ابو كرار //يللة امشي وياي لبيتنا بعد كافي اخوتج يردوج
الجد //اسمع سلمان راح اخليها تروح وياك بس والله اذا عدت الصار
وياها هلمرة اوسدك الوادي سمععععت
وگل لامها هم ((التفت على ريم))
روحي جدو وية ابوج ولا تخافين
الله وياج مانگدر نمنعج عن ابوج
واخوتج
ريم //والله سامعين بالي يگلولة اعدامك بعد ساعة هيج احساسي من رحت
وصلنة للبيت سلمت على امي ماحاجتني 😥 دارت وجها بس اخوتي تلگوني شبگوني اما ابوي
ولا گلمة دارت بينة
ام كرار //يللة روحي حظري عشة
لاخوتج احمي الاكل وجيبي بسرعة 😤😤
ريم //صار ماما رايحة
ام كرار //وهااا نسيت اگلج بعد ماكو مدرسة منا ورايح هذا هو وصلتي ثاني متوسط كافي تقرين وتكتبين
ريم //ليش ماما اني ماراح اقصر بالشغل مال البيت بس خلوني اكمل حبابة 😭😭
ام كرار//بعد متنفعج المدرسة لان راح تتزوجين انتي
ابوج انطة كلمة للناس!!!!!
ريم //شلووووون ومنوو همة يمة منوو گليلي
والله بعدني زغيرة يممممممة 😭😭
ام كرار //زغيرة __وانتي علگتي بين
الاب وابنة يستر الله منج
ريم //ظليت بس دموعي تجري 😭😭 حميت الاكل وجبتة الهم
گعدو كلهم ياكلون واني رحت گعدت
على صفحة ودموعي تجري امسح وحدة ينزلن عشرة 😭😭
كرار//ريمة تعاي تعشي ليش هناك گاعدة؟؟؟
ريم //ماريد حبيبي بالعافية اكل انت
ام كرار //اكل انت وماعليك بيها الياكل بضرسة ينفع نفسة
ابو كرار //جنت گاعد بالگهوة ورة ما
طلعت من المشفى
باسبوع واجة جارنة ابو فلاح گعد بصفي وگال
ابو فلاح //شلون صار جرحك ابو كرار؟؟
ابو كرار //الحمد لله يخوي زين ستر ولطف رب العالمين
ابو فلاح //اي والله يخوي جان ابتلة بيك الحجي
بس انت ليش هيج مسوي ابنتك خطية 🤔🤔
ابو كرار //وانت شمدريك بالسالفة 😡
ابو فلاح //ابني فلاح حجالي جان مار من يم بيت اهلك وشايفها بالباب گاعدة
اگووول ما الله يهديك تنطينياها لفلاح اضاهر عجبتة بعقلها؟؟
ابو كرار //هاااا اشورهم واردلك الخبر انطيني مجال يومين
رجعت للبيت وگلت لام كرار وهي رحبت بالفكرة
ام كرار//اي سلمان انطيها كبرت وكبرت مشاكلها
وهذول ناس شبعانين وعدهم فلوس انطيها وخلص من همها
ابو كرار //خاف ماتقبل وتفشلنة وتدرين اذا گالت لابوي بعد مايخليها
توصلنا خاصة واخوتي يردوها
ام كرار //لا تگول گدامهم جيبها لهنا
وبعدين گول لابوك انطيت كلمة
وگول لاهل الولد ياخذوها بساع
ابو كرار //هو هم هيج
وجبت بنتي وانطيت كلمة للرجال بس ابو فلاح اصر الة جدها وعمامها
يدرون يالة ياخذها يخاف من المشاكل__گتلة __
اسمع ابو فلاح تروح لابوي وتگلة خطبت من سلمان وانطاني المرة
واجيت ابلغكم غير هيج ماانطيك مرة اذا عارضوو
خالد //ورة ماراحت ريم لاهلها صارت حصرة علينا شوفتها بسبب
الزعل البينة وبين عمي وبيوم جنت
گاعد يم جدي واجة جارنة ابو فلاح
ابو فلاح //اسلام عليكم
الجد //وعليك السلام ورحمة الله وبركاته
اهلا ابو فلاح تفضل
روح خالد جيب ماي وجاي لعمك
خالد //رحت گتلهم يسؤؤن جاي وعلى ما حضرولي الماي والجاي
جنت بالمطبخ اجة رائد مفور وعيونة بگصتة
رائد //جنت مار من يم الاستقبال وسمعت ابو فلاح گال لجدي!!!
ابو فلاح //ابوها انطاني المرة وهي موافقة اجيت بس ابلغكم
رائد //شلووووون جاي تگلنة موووو
اسمع زين اكتل ابنك بيوم عرسة اذا
وصل بنت عمي __
ررررريم الي سمعتووو والله الدنية اگلبها عليك وعلى عمي روح گلة
وطلعت وطبگت الباب حيل؛
خالد //ولك شبيك تربد ربد شكو شصاير
رائد //ولك عمك منطي ريم لفلاح السگط شلووون ماتريدني اربد
وك ررريم حياتي وروحي واحبها واريدها والله اكتلة اذا وصل يمها سمععععععت
خالد //شلووون ولك شتحجي انت يافلاح الياخذ ريم
ركضت لجدي لگيت ابو فلاح طالع صحت
جدددددي شنوووو السمعتة هسة فهمني؟؟ 😡😡
الجد // اسكت وليدي ما يصير هالشي مادامني عايش
امييييرررررر
امير //هااا يبة خير شبيك؟؟
الجد //اسمع تروح لسلمان وتگلة اذا
ريم اتزوجت فلاح تنطيني
كل اليمك سمععععت وتگلة اني راح
ان------------------------------------------------إلى هنا نتوقف ونترك الباقي للغد إنشاء الله تقبلو تحياتي
اختكم ام ماهر الكربلائية
أنت تقرأ
حكايتي مع الزمان
Randomقصة فتاة تعاني من ظلم ابويها وظلم القدر لها وحب ابن عمها الها الذي لا يجني منه غير الالم والمرض هل سوف يلتقون بالاخير ام للقدر رأي ثاني
