مساالخير غوالي
نعود لكم لنكمل معكم قصة
((حكايتي مع الزمان))
((البارت الثاني عشر))
ريم //شلت الصينية وطلعت من باب الحمام جنت لابسة دشداشة عريضة والباب جانت ماكاملة بناء فوگها فتحة وجان اكو ٢ فارات يتعاركن وگعن بصدري وصارت الفارة بين جلدي وثوبي واني شمرت
الصينية مال الاماعين وصرخت ورأساا نزعت دشداشتي وشمرتها
وركضت بالداخليات واصرخ
ابو كرار //جنت بالساحة مال بيتنا وسمعت رگعة جبيرة وتكسير وصرخة ريم ركضت للبيت
لا گتني ريم مصلخة ومرعوبة استغربت اكو يمي جرجف لفيتها بي
وهي عبالك سعفة بعاصفة ترجف
وتدخل روحها بضلوعي هدأتهاِ
وشربتها ماي وگلت لكرار يجيبلها ثوب
لبستها ونيمتها وذبينة عليها الغطيات وهي ترجف
ريم //نيمني بابا وعافني غفيت لليل
اجو عمي ابو فلاح وعمتي ام فلاح
سامعين بية من اخوتي بالمدرسة وية ابنهم
اني ما ادري بيهم بالاستقبال
گعدني كرار ما گعدت اجه بابا وگال
ابو كرار //ريم - - - ريم بابا گومي عيب من الناس انتي نايمة ومصخنة من فارة 😜😜
ريم //گعدت غسلت وجهي ورحت سلمت عليهم وضلوو ساعتين وراحوو
ورة يومين اجت عمتي ام فلاح وابوي ماموجود وگالت لامي
ام فلاح //راح اخذ ريم اشتريلها سيت نوم وبقية الغراض
ام كرار //خية اخذيها هي جنتج بعد
ريم //رحت وياها اشترينا بقية الغراض وكل الشغلات الباقية
ورجعنا جانت طلعتنة قبل الحنة بيوم
وصلنة المغرب لباب بيتنا لگيت كرار
واگف بالباب وباين علية القلق والخوف حيل
نزلت وكرار جلب بام فلاح تطب بس هي ماقبلت وراحت واني طبيت للبيت لگيت ابوي الغضب مالي وجهة
ابو كرار //تعاي اهنا انتي منو گلج تطلعين 😡😡
من غير علمي هاااااااا
ريم //لزمني ابوية بالحزام ورم جسمي من الكتل واني اصرخ وبعدين سحلني ذبني بغرفة بعدها ماكاملة بناء ولا كهرباء وقفل الباب وگاللهم اليطلعها اموتة خفت حقيقة
اني ما اخاف ابد ولا يمر على بالي الخوف بس ذاك اليوم خفت وظليت بالزاوية مال الغرفة مگرفصة وراسي بين رجلية وغفيت واني گاعدة بس كل شوية افز واتلفت منا ومنا نص اليل حسيت بروحي اريد الحمام دگيت بالباب محد فتحلي
صحت يمة بس اروح للحمام وارجع
محد حاجاني ضليت الوج وحاصرة نفسي إلى ان قريب الصبح ماتحملت وبللت روحي وگمت ابجي
بحرگة وضليت گاعدة وانشغ وما اعرف شوكت غفيت حسيت على واحد دفرني
ام كرار //گوممممي هاي شمسوية بروحج گبر لفج شلون هيج تسويها جواج زغيرونة انتي
ريم //انحصرت ودگيت بالباب محد فتحلي
الام //جان لزمتي روحج لما نجي نفتح الباب غبرة ام شخ---- گومممي قذرة
ريم //رفعت راسي لربي وبجيت بحرگة يعني اذا امي هي الي ودتني وية عمتي وشافت السواا ابوي
أنت تقرأ
حكايتي مع الزمان
De Todoقصة فتاة تعاني من ظلم ابويها وظلم القدر لها وحب ابن عمها الها الذي لا يجني منه غير الالم والمرض هل سوف يلتقون بالاخير ام للقدر رأي ثاني
