صباح الخير للجميع
عدت اليكم لاروي لكم قصة
((حكايتي مع الزمان)) وو
البارت 19
ريم //لالاااااااا ابني فلاااااح وركضت علية حضنتة والطفل فاحط گمنة ننفخ بوجها ونهشهش بيه نص ساعة يالة سكت
فلاح //شلون حطيتة على الجرباية ونسيتة ياربي لو ميت الطفل كلة من وراج من بلاويج جان مات ابني
ريم //ايي مو هو ابنك وحدك بعدين اني كتلك حطة على حافة الجرباية
انت مو تدري بي ينگلب لو اني كتلك تعال عاقبني وعوفة كلة براسي ريت الله ياخذ عمري واخلص من هالعيشة تعبت اني من بداية عمري شفت الظيم بعد شراح اشوف هاااا گلي شأشوف اكثر 😭😭😭😭
فلاح //😳😳😳😲اول مرة ريم تحجي هيج اظاهر اني دست حيل عليها من شفتها انهارت عفتها وطلعت رحت يم اولاد عمي مارجعت الا لليل لكيتهم نايمين هي وابنها
اني حطيت فراش ونمت وحدي بس مايروح من فكري كلام خالد ابن عمها ابد
ريم گعدت اصبح شلت خالد ورحت يم عمتي وهي شافت گصتة معنجرة وهي استلمتني رزايل وشتايم واني ساكتة سويت ريوك وحطيت الاكل يمهم اني ما اكلت
رحت رضعت ابني اشو هو گام يتقيأ
ام فلاح //جيبي حليبتج سم علية بعد لا ترضعي ابد سمعتي
ريم //لعد شياكل اذا ما ارضعة يموت جوع 😳😳
ام فلاح //نشتريلة حليب مايموت جوع
ريم //لبالي تتشاقة تالي راحت العصر جابت حليب ومميات ثنين واجت صاحت لفلاح لغرفتها وسدت الباب ظلت ساعة تقريب وطلع فلاح راح لبيت عمة اني بالغرفة حاطة ابني بحظني والعب بي چان تطب عمتي وريام بتها دنكت شالت خالد من حضني
ام فلاح //فوتي ريام لمي اهدوم خلودي وحضاينة كلها وجيبيها لغرفتي
ريم //وكفت ليش عمة تاخذيهن شلبسة بليل اذا گعد؟؟؟
ام فلاح //انت ماعليج بي منا ورايح راح ينام يمي بغرفتي انتي متعرفين تربين طفل واخاف علية
ريم //عمة تشاقين اكيد اني امة شلون ااذي واني ما اگدر انام بعيد علية عفية عمة خلي وليدي لا تاخذي
ومديت ايدي اريد اجر ابني وچان تظربني على وجهي ودفعتني وطلعت
ام فلاح //ولي ولج ابنها منيلج ابن عندي هااا اعتبري ف-------وراحت
ريم// ظليت ابجي على ابني ومتانية فلاح يجي ويجيبة اسمعة يبجي واني گلبي يفرفح علية تالي صارت الساعة ب12بليل اجة فلاح
فلاح //شعجب مانايمة لهسة اليوم وشبيج عيونج مورمة شصاير؟؟؟
ريم //عمتي اخذت خالد مني وخلتة يمها اريد ابني فلاح گوم جيبة
فلاح //اليسمعج يگول راح لغير محافظة هو بنفس البيت ناميي نامي عوفي يم امي احسن تعرف شلون تداري
أنت تقرأ
حكايتي مع الزمان
Randomقصة فتاة تعاني من ظلم ابويها وظلم القدر لها وحب ابن عمها الها الذي لا يجني منه غير الالم والمرض هل سوف يلتقون بالاخير ام للقدر رأي ثاني
