حكايتي مع الزمان

البارت العشرون

صباح الخير
عدت اليكم لنكمل رحلة ريم وقصة
((حكايتي مع الزمان)) وو
((البارت 20))

ام فلاح نوح بعيني انلاصت واللة
اووف يممممة هسة ارتاحيتي يمممة من خربتي حياتي ليش هيج الله واكبر عليج
ياربي مروتك حلها من يمك
ظلت ريم فاقدة اسبوع والشرطة متانية تصحة وتاخذ اقوالها واذا گالت هو ضربني يسجنوني واهلها ماعدهم علم بالصار احنة تكتمنة على السالفة
بعد الاسبوع استعادت وعيها بس بعدها خطرة

ريم //بعد الصار ما اعرف شگد بقيت حسيت على صوت عمتي تتعارك وية الممرضة

ام فلاح //متگليلي شسووون هاي المدة كلها اشوو هي على حالها هذا علاجكم مايفيد دغيروو  عاد بلكي تگعد

الممرضة //بعصبية)) حجية استحمدي الله انها لساتها عايشة احنة مستغربين شلون عايشة على كمية السم الماخذتة
فوگ شينكم شگوات عينكم شمسوين بالطفلة الله لا يوفقكم كون ناس لاذمة ولا ضمير وفوگاها جاية تعارك شووو اطلعي بررررة اطلعععععييي

ريم //جريت نفس يبنية تعاليلي اعدليني

الممرضة //اووف الف الحمد لله على سلامتج عيوني صدگ چذب اكو وحدة هيچ تسوي بروحها خل اصيحلچ الدكتور
ركضت الممرضة طلعت واجت الدكاترة تركض

الدكتور //هااااا ريم الحمد لله على السلامة عموو هم تحسين برجليچ
وگام يشخط برجليه بالمفتاح

ريم //الله يسلمك دكتور ايي شوية احس بيهن

الدكتور //الحمدالله لا تحچين ظلي ساكتة خل يستقر وضعچ منا للعصر
التفت على الممرضة
ممنوع اي احد يطب عليها اي انفعال ترجع تنتكس ونخاف تدخل بغيبوبة طويلة والعلاج بوقتة ولا تشيلون المغذي عنها

ريم //طلع الدكتور وسألت الممرضة
حبابة صارلي شگد اهنا وشنو الصار

الممرضة //حبيبتي انتي صارلچ اسبوع فاقدة سوولچ 3مرات غسل معدة وبدلوو دمچ وعلاجات ومغذيات 24ساعة يالة استعاديتي وعيچ
الة گليلي انتي ليش هيچ سويتي اكيد من ورة عمتچ هاي الماتنجرع من اجت لهسة تعارك ماضل واحد ماتعاركت ويااا

ريم //ابتسمت على كلامها
مع الاسف مامتت وخلصت انتوو ليش نقذتوني ماخليتوني اموت ماتعرفون انو الينتحر يعني حياتة وصلت حدها 😭😭😭

الممرضة //ياااااا صخام وچ اسكتي موزين عليچ الانفعال لخاطري اسكتي شيخلصني من دكتور اسعد وچ هاذا من اجيتي لهسة مارايح لاهلة على مودچ

ريم //هذا منووو انووب مو اني ناقصة حتى تطلعلي علة جديدة

الممرضة //دكتور اسعد مقيم اقدم بالمستشفى ومتعاطف وياچ وهو الي انقذ حياتچ حتى تبرعلچ بطلين دم وهو دز على الشرطة وخبرهم اكو اثار ضرب وتعذيب بجسمچ وقدم شكوى ضد عمتچ ورجلچ ويگول حتى اهلها لازم يدفعون الثمن
بس الشرطة ما استندو على كلامة ومتانيچ ياخذون اقوالچ يالة يمشون الاجرائات الازمة يعني كلامچ راح يمشي الشكية عليهم