صباح الخير غوالي
يسرنا ان نجدد اللقاء معكم ونكمل بقية القصة 🕊️قصة ريم و
🌺حكايتي مع الزمان 🌺
((البارت العاشر))
ابو سلمان //اني اجيت على مود ريم اريد ازوجها لخالد ابن عمها
سلمان //يبة عوف هاي السالفة اني انطيتها لابو فلاح گلت كلمة بعد ما اگدر اتنازل عنها عيب وانت اكيد ماترضالي بالشينة لان انطيت كلمتي
بالگهوة گدام الناس
ابو سلمان //نهض على حيلة - - -
اسمع سلمان بنتك ناهي عليها ابن عمها ممنوع واحد يوصلها والخطية برگبتك سمعتتتتتت
سلمان //يبة ماانطي بنتي لاخوتي ابد لو يبقى يوم بعمري ماانطيهم خلها تخدم بينا لعد لو تتزوج فلاح وهاذ اخر كلام عندي 😤😤
ابو سلمان //ترد كلامي وتردني خايب ولك انت شنو من بشر ولك نسيت اني ابوك والي كلمة عليك؟؟ 😡😡
سلمان //ابوي على عيني وراسي بس بهاي الشغلة محد الة كلمة غيري اني ابوها وكلامي هو اليمشي 😤
ام كرار // طلعت من البيت جانت تتصنت عليهم
عمي انت ليش واگف بقسمة البنية هي تريدة وتحبة وموافقة علية بعد انتو شكو خابصين الدنية
ابو سلمان //انجبي واسكتي انتي تعرفين نفسج شتحجين شنو تحبة وتريدة واحنة شنوو گواويد
ولك سلمان انت تسمع مرتك شتحجججججي
سلمان //ام كرار روحي طبي جوة ماعليج بالسوالف روحي 😤
ابو سلمان //خرررب بغيرتك اذا عندك غيرة واضح دماغك مغسوول غسل الله يطيح حظك ((وطلع))
خالد //جنت بالبيت واجة جدي عيونة مغرغرة بالدموع وگال
الجد //من اليوم الكل تسمع سلمان مو ابنة لا نعرفة ولا يعرفنا اذا تشوفونة يحترك لا تدنولة ابد ممنوع واحد منكم يوصلة سمعتووو
حتى من يموت محد يروحلة ومن اني اموت ممنوع يوصل لهنا لاهو ولا مرتة صااااار وااااضح
رائد //ورررريم جدددي شلون بيها نعوفها؟؟
الجد //انسو رريم - - - - سكت شوية وگال - - - - ريم راحت
ودمعت عيونة 😥😥
ريم //سمعت امي شگالت وبجيت لمن عميت يعني صرت لهاذ الساقط بعد حتى املي بجدي انتهى
لان تفاصخوو وكل واحد صار بحالة
مرت اشهر وبيت ابو فلاح يخافون من عمامي مايتقدمون خطوة وبيوم
الظهر ابوي طلب مني
ابو كرار //يبة ريم اذا صار عندج مجال اكو سعف بالبستان لمي وشدي نگال!!!
ريم //صار يابة رايحة ماعندي شي
ورحت دا الم واشد نگال (عشر سعفات تنشد بالصنة الخضرة تسمى نگلة) التفت جهة الطريق واشوف واحد واگف وصافن علية اني خفت عفت السعف وركضت للبيت للعصر
اجة رجال على بابا
ابو كرار //العصر جنت اريد اروح للگهوة واندگت الباب
طلعت شفت جارنا ابو محمد سلم وطب للبيت
أنت تقرأ
حكايتي مع الزمان
Randomقصة فتاة تعاني من ظلم ابويها وظلم القدر لها وحب ابن عمها الها الذي لا يجني منه غير الالم والمرض هل سوف يلتقون بالاخير ام للقدر رأي ثاني
