حكايتي مع الزمان

البارت الحادي عشر

مساالخير غوالي
عدت لاكمل معكم رحلتنا لبيت ريم
وبقية القصة
((حكايتي مع الزمان))

((والبارت الحادي عشر))

الجد //شايفين الخير اشربوو گهوتكم
خالد //هاااااا جددددي اني مو نا----

الجد //خااااالددد اسكت ولا كلمة وروح جدد الگهوة 😠

خالد //سكتني جدي واني اريد انفجر گمت افور من الغضب طلعت
من المضيف گلت لعباس ابن عمي
يجدد الگهوة ورحت للبستان
افرغ نار گلبي الاشتغل شعل وگمت گوة اجر نفسي ضاك علية الهوة
وصرخت حيل
لييييششششش رببببببي مو طلبتها منك طلبة ليييييييششششش ووكعت على ركبي واني اشهك اريد هوة ماكو وكان ريتي ترفض العيش بدون ريم

رائد //اجيت بليل من يم جماعتي طبيت لبيتنا سلمت
السلام عليكم يمة ميت جوع اريد عشة
قبل لا اگعد انتبهت لخالد مطروح على القنفة وميحجي وشكلة عبالك واحد جان بكبر وطلع من الموت
وامي تتوسل بي ياكل شوية وهو مغلس ولا كلمة گلت

خييير ياطيير - - - اليوم الوجوه مجفاية شكوو  حتى ماجد المايسكت لا ليل ولا نهار من التحشيش مغضب وميتحاجة

سجى //بللة ماتسكت ترة رواحنة طالعة اكرمنة بسكوتك

رائد //ومرض ولللللج  احجي عدل
شكوو شصاير - - - - متحجووووون

سجى//اليوم اجت مشية على جدي وانطاهم ريم وراح تتزوج الشهر اليجي تاخذ فلاح الفاشل

رائد//نهض على حيلة مفزوع))

شلووووون وجدي شلووون ينطيها مو ناهين عليها احناااااا هاااا هي فالتوو
والله اليوم لو اني لو هو وركض صعد الدرج سوا شبختين فتح كنتورة واخذ الرشاشة مالتة ونزل يركض

ام خالد //شفتة نزل من الدرج والرشاشة بيدة گمت الطم
ولك رائددددد وين ترررريد تعال لزمت الرشاشة منة وگمت اتلاوة ويااا واصيح ماگدرتلة دفعني وطلع

سجى //شفت رائد طلع وصاير نار
ركضت لبيت جدي بصفنا ادك بالباب واصيح
جددددي    انفتحت الباب فتحها

حسن //وج شكوووو ليش هيج انتي صفرة احججججي
سجى //طبيت اركض لجوة
جدددي الحك رائدد اخذ الرشاشة
وراح يكتل فلاح

الجد //انا ابوك يسلمان   ولكم اركضوو الحكووو لا يصخم وجوهنا
اركضووو

طلعوو عمي جبار وحسين وحسن يركضون وراا

ام خالد //تلطم على وجها
وكل هاي الهوسة وخالد على نومتة على القنفة عبالك فاقد
ولك يمممة خالد ليش ماتحركت گووووم ورة اخوووك لا ضيع نفسة

خالد //يمة رحمة لاهلج عوفيني بحالي خلي يمكن يگدر يسوي الي اني عجزت عنة ((يحجي ببرود))

رائد //طلعت فاير ودموعي تنزل لان ادري اذا جدي گال كلمة تصير يعني راحت مني رريم
وصلت لبيتهم دگيت الباب حيل شوية طلع فلاح واني جريتة وگمت اظرب بي بخبال واصيح بعالي صوتي
ولك انت الخايس تاخذذذذذ ررررريم بنت گلبي اليوم اذبحك وادفنك واخلصها منك