مسالخير غوالي
عدنا لنكمل معكم قصة
((حكايتي مع الزمان))
البارت الثامن 🌺
امير //رحت عليها لگيتها فاقدة شلتها وركضت للمشفى
سوولها غسل معدة بس متخربطة
ماقبل الدكتور تطلع شوية واجت امها وابوها
ابو كرار //هاااا شكوو شبيهاااا؟؟
امير //من ورة خشمي)) سوولها غسل معدة وراح يخلوها لباجر تحت المراقبة
لان هواي نفط شاربة
ام كرار//خل تطلع واني اعلمها الا اطلعها من خشمها هاي الهيلگة
امير //بدل ما تتوعدين وتطلعين من خشمها جان انتبهتي لعد انتي
شنوو ام لو رجل كرسي شلون تخلين ماي بدبة مثل مالت النفط
ماگلتي عندج اطفال زغار ويشتبهون بيها بعدين انتي وين جنتي طول النهاار سايبة انتي هم
حاسبة نفسج ام
صدك لو گالو ينطي الجوز للماعندة سنون😡😡
ام كرار //وانت شدخلك بالموضوع هااا ان-----
ابو كرار //اشششش انجبي ولا كلمة سمعتي لا اطيح حظج هسة ادب سز
لسانج شطولة اني اعلمج خل تطلع
بسلام واني الج 😡😡
التفت على امير)) وهسة خو مو خطرة حالتها
امير //ما ادري الدكتور يگول اذا ماتقيأت مابيها شي الخوف اذا
گامت تتقيأ!!!
ابو كرار //لاول مرة بعمري من يوم الي اختلقت ريم
لهاذ اليوم احس بعاطفة تجاهة واحس بالذنب
لان بعدنة عنها هواااي وهي بعدها
زغيرة دنيت يمها وگمت امسح بشعرها بابا ريم تسمعيني
خو مابيج شي گليلي شنو اليوجعج
ريم //عبالي متت وبالاخرة اسمع صوت ابوي يحاجيني
بحنية بجيت فتحت عيوني
هااا هذا ابوي صدك وخال ايدة على
شعري يمسح بي دموعي وحدها جرت وانهظمت من حنيتة الي اول مرة احس بيها!!
ابو كرار //الحمد لله على سلامتج بابا غير تنتبهين
وتميزين بين النفط والماي يابابا
ماشميتي ريحتة؟؟
ريم //اني مصدومة ما اعرف شيحجون بس ادير بعيوني عليهم
بعدين عرفت كرار گايللهم اني اشتبهت بين دبة النفط والماي
لان نفس الدباب جانت
اوووف فدوة لاخوي الغالي
بتت ذالك اليوم بالمشفى وامي سممتني كل شوية ترزلني
ثاني يوم اجة عمي امير وطلعني من المشفى للبيت بعد ماجاب
العلاج الي ووصاني!!!
امير //ريم بعد هاي الحركات لا تسويها سمعتي لان گوة سديت
السالفة من شرطة المشفى مصرين
انتحار الصار وياج ولو ما شهادة اخوج جان شخلصنا
بابا ذبي حمولج على الله ماينساج ابد يللة بابا اني اروح
ديري بالج على روحج وامج انطيها
أنت تقرأ
حكايتي مع الزمان
Randomقصة فتاة تعاني من ظلم ابويها وظلم القدر لها وحب ابن عمها الها الذي لا يجني منه غير الالم والمرض هل سوف يلتقون بالاخير ام للقدر رأي ثاني
