السلام عليكم💐
اليكم قصة جديدة واقعية 🌹
((حكايتي مع الزمان))
البارت الاول
اسمي ريم مواليد ١٩٧٣ مواصفاتي كالآتي
طولي ١٥٩ وزني ٥٣ شعري اسود طويل بشرتي بيضة عيوني عسلية صاحبة رموش عيوني وسط لا جبيرة ولا زغيرة
اعيش مع والدي ووالدتي اني الثانية بالعائلة بعد اخوية صباح الله يرحمة توفة وعمرة سنة ونص جانت امي منيمتة يمها وهي حامل بية ٧ شهور وماتكدر تكعد ونامت علية وخنكتة أثناء الرضاعة لان من يصير عدها حمل نومها يصير ثگيل حيل وهاذ الي خلاهة تحملني مسؤلية موت صباح لحد هاذ الوكت وهو جان العزيز بالعائلة ومن اجيت اني جانو حزينين علية وهو ولد واجت ورا ابنية
امي وابوية جانوو ميحبوني وماعدهم مشاعر تجاهي
بس جدو وبيبي جانوو يحبوني حيل احجيلكم قصتي من جان عمري ١٢ وكم شهر بصف الثاني متوسط
سنة ١٩٨٥ الصبح - - - - -
ام كرار //ولج ررررريم گومي راح الوكت عليج وانتي لسة مطمورة گومي گووووومي
ريم //وهي تطفر مفزوعة من النوم من دفرات امها)) هاهاهاها يمة شكو من الصباحيات شبيج وياي شايفتني بالحلم شنووو؟؟
ام كرار //انجبي وگومي الساعة ٧ وانتي بعدج نايمة راح وكت المدرسة يلة روحي غسلي وتعاي اتزقنبي
ريم //احجي بيني وبين روحي)) ياربي مروتك تلگيني اهلي الحقيقين اكيد هاي مو امي لان كل محنة مال ام ماعدها بس لالا گيني بالزبالة عززززة بس لا صدك 😱😱
ام كرار //شدردمين هاااااا سمعيني!!!
ريم //لا يمة جا اندعي الله يطول عمرج حبيبتي ((واجيت گعدت اتريك
ام كرار //اي صدگتج - - - ماعلينة اليوم تعاي من وكت بس يدك الجرص عدنة شغل هواااي
ريم //خيرر شكو اليوم
ام كرار //ابوج ظمن بستان [الضمان يعني ايجار]
ونريد نلم غراضنة حتى تساعديني
ريم //يبووو شيلم الغراض النة بس خوش منطقة صديقاتي ساكنات هناك وقريب على بيت جدوو اقرب من بيتنا هاذ
كملت ريوك وفرجت اسناني ولبست ملابس المدرسة وطلعت وگفت بالشارع اتاني سيارة الاجرة
بذاك الوكت ماكو خط وجانت سيارات البالوني للعبرية
شوية وگفت سيارة الي صعدت انطيت الكروة للسايق يبوووو
هاذ ابو شوارب شگد اكرها دوم يباوع علية بنضرات تخوف
بذاك الوكت ماجنت اعرف يعني شنوو نظرات حب لو اعجاب جان كل الي ابالي انو اليباوعلي يريد يبوگني ويذبحني مثل ما سامعة من امي
وصلت للمدرسة
احلام //هلاووو ريمة صباح الخير
اليوم متأخرة لازم هم امج وسوالفها
ريم //ايي اكوو غيرها واني اخلي جنطتي بالرحلة واحظر كتبي
للظهر خلص دوامنة وطلعنة
مرحبا اني خالد ابن عم ريم الجبير واحبها من هي زغيرة بس ما معترف لا الها لان زغيرة كلش ولا لاحد منتظرها تكبر واخطبها من جدي
ريم جانت مميزة عن كل بنات عمي واخواتي جانت مرحة حيل وطيبة كلب ما تحقد واجتماعية وسياسية
وجدي يموت عليها لان تشبه بيبيتها حيل ونفس الاسم الجانت حبيبة جدو وماتت الله يرحمها
حتى امي وعماتي يحبنها حيل
اني ابن علوان وعمي سلمان الجبير ابو ريم وكرار وعمي امير وعمي جبار وعمي الزغير صبار والباقين يجي ذكرهم اثناء السرد للقصة
گعدنة الصبح على صياح ابوية
أنت تقرأ
حكايتي مع الزمان
Randomقصة فتاة تعاني من ظلم ابويها وظلم القدر لها وحب ابن عمها الها الذي لا يجني منه غير الالم والمرض هل سوف يلتقون بالاخير ام للقدر رأي ثاني
