حكايتي مع الزمان

البارت الخامس

السلام عليكم غوالي اعتذر عن التأخير عليكم لاسباب صحية
نعود لكم لنكمل قصتنا معكم والبارت الخامس من
      ((حكايتي مع الزمان))

الجدة //يبووووووو  يبووووو راح ولكم راااح

امير //يمة منوووو الرااااح احجي احجججججييي
الجدة //ولك ابوك امس من عفتوو بليل راح على سلمان ومتعارك ويااااااوضاربة طلقة

امير //اني اخوك يعلوان وهسة وين ابووووي
الجدة //ابوك بالمشفى اهئ اهئ اهئ
امير ومنو كالج انتي؟؟؟؟؟
الجدة //كرار  اجة گال لمرت اخوك علوان وراح وهسة اني دريت اهئ اهئ
امير //ركبت سيارتي ورحت واجوو وياي جبار وصبار وخالد وبقية الولد
ورحنة للمشفى

الجد //اني ظليت افور من القهر على ريم وما گدرت اصبر خليت ولدي راحو لبيوتهم اخذت مسدسي
ورحت على سلمان ماجنت ناوي اظربة بس حبيت احجي ويا بس هو جبرني وصلت ودكيت الباب

ابو كرار //بوية كرار شوف منو بالباب
كرار //هذا جدي بابا بالباب
الجد //طبيت گلت السلام عليكم

ابو كرار //---------لا رد
ام كرار //وعليكم 😤😤من ورة خشمها
الجد //سلمان اريد احجي وياك بسالفة لوحدنة (ماردت تدخل مرتة)

ابو كرار //ماعدنا شي مظموم وماكو احد غريب احجي واذا الحجي بالسويتة بريم فهو قليل بحقها 😤😤

الجد //ردت اهزة شوية بلكي يحس على غلطة)) گتلة
عفية عليك هسة ارتاحيت من طردت بنتك بذيج الظهرية؟؟
واجا واحد واستغل الشارع فارغ واخذها واغتصبها وانت فرحان بروحك زين مسوي 😡😡

ابو كرار //شنووووو 😡😡هسة حل كتلها اكيد تعرفةوراحت الة
الكلبة اليوم اشرب من دمها ((وطفر

اخذ سلاحة ويريد يطلع
الجد //فات من يمي لزمت ذراعة))
وين مولي وشتريد تسوي احججججييي
ابو كرار //رايح ادفنها واطم عارها  وخر عنننننيييي
الجد //اوگف ماكو صحة للموضوع بس ردتك تحس بالخوف عليها لو بغلطك شوية بس الظاهر ذيل الجلب ابد ما ينعدل
وك انت حراااام تكون اب وهاك هذني العشر دنانير الذبحت روحك عليهن وموتت بنتك من اجلهن

ام كرار //مازال كلشي مابيها خلي تجي نريدها تخدمنا شوكت نستفاد منها لعد

الجد //هاي گطنة طلعيها من اذانج بعد تشوفين ريم سمعتتتتتي

ابو كرار //خلي تجي بسرعة اني ابوها ومسؤل عليها وبعدين عدكم ولد ما أأمن عليها يمكم 😤😤

الجد //احترم نفسك واحجي عدل احنة خوش نربي مو مثلك تيهت بنت بالشارع ولو ما هية طينة طاهرة جانت استغلت طردتك الها بس الحمد لله هي فطيرة وحبابة طالعة لامك مو الامها هاي
ومتجي عليكم بعد شتريد تسوي
وصار مشادد بينة وهو كام يغلط

ابو كرار //لعد صحيح مصخمة وجوهنا لويضل من عمري يوم اكتلها
سمععععععت
الجد //ولك شنو من بشر انت هاي مو بنتك ولك هي طاهرة وماتعرف كلشي شگلت لنفسك من طردتها بذيج الظهرية هااااا
وباقية بالباب ثلاث ساعات ومسوي وجها خرايط انت شنوووو من بشررررر انعل ابوك لابو الساعة الاجيت بيهااااااا وما اعرف شوكت جريت سلاحي وضربتة
وگامو اطفالة يتصارخون اني حسيت على روحي ركضت شلتة وصحت بكرار
اركض جيب سيارة من الشاررررع
ومرتة فضحتنة بالصايح التمو الجيران شلنا للمشفى وصلنة اخذووو يطلعون الرصاصة من صدرة واني حسيت بروحي دخت حيل وگعت بعد ما ادري بالصار

علوان //ركضنا للمشفى لگيناهم مطلعين سلمان ومابي شي بس ابوي

صاعد ضغطة وفاقد رحت لسلمان
اگلك شكوو شنو الصار احجي شنوو السالفة
سلمان //اسأل ابوك السالفة يمة كلها

امير //جنت گاعد يم ابوي شوية وصحة وگال
ابو سلمان //بوية امير اخوك خو مابي شي

امير //لا يبة لا تخاف الطلقة بالجتف ومو خطرة وكلشي مابي

الجد //الحمد لله والشكر همزين طلع سالم منها

ريم //گعدت الصبح ونزلت لگيت عمتي قلقة وعمتي ام خالد موجودة
والولد ولا واحد موجود گلت
صباح الخير
ام حسين //صباح النور يالوردة تعاي ماما اهنا خل اسويلج ريوك

ريم //لا عمة شكراا اني اسوي لروحي ارتاحي انتي

ام حسين //يمة شنوو انتي تسوين
ريوك خاف تنجوين بعدج زغيرة

ريم //لا عمة اني كل يوم اسوي ريوك وامرار امي بس طبخ ما اعرف اطبخ
سويت ريوك وتريگت خلصت وشلت المواعين للمطبخ بس جانت عمتي مو على بعضها ما ادري شبيها
شوية واجة حسن ابن عمي صبار اخذ جنسية ابوو وطلع

امير //هاااا حسن جبتها جنسية ابوك؟؟
حسن //ايي عمي هاي
امير //خو ماحست ريم عليك؟؟

حسن //لالا ما حس------------

ريم //لا عمو حسيت شنو ضامين علية گول عموو الله يخليك شنوو من مصيبة بعد اكووو

امير //شبگتها __عمو ماكو شي بس ابوج وجدج متعاركين وهاي كل السالفة
ريم //لا عموو اني حاسة السالفة اكبر من هيج اكو شي بعد گولي ترة ازعل منك اذا عرفت من غيرك
حباب عموو گول

امير //بنيتي انتي صح زغيرة عمر بس جبيرة عقل
صح اكو شي جدج ضرب ابوج طلقة
و-----
ريم //لالالالا شهگت حيل واحس نفسي ثگل اريد اتنفس ما اگدر لا اگدر ابجي ولا احجي بس اشهك واشمر بادية اريد اتنفس ماكو

امير //وج عمووو شببببيج تنفسي شصار بيج وج بابا احججججي

حسن //عمووووو راااح تموووت وج ررررريم شبيج
ام حسين //طلعت اركض على صوت حسن گام يصيح شفت ريم زرگة وواگعة بالگاع وامير شابگها
ويفرك بصدرها وهي ما تتنفس صحت
يماااااا بنيتي راح تمووووت امير خل ناخذها للمشفى
شالها امير وركض واني جابلي حسن عباتي ورحت وياهم وصلنة للطوارئ
خلولها اوكسجين وانطوها ابر ومغذي
امير //دكتور شبيها بنت اخوي
الدكتور //حالة نفسية لازم ضايجة من شي خل يخلص المغذي واخذوها عدها العافية

امير //خلص المغذي تجيت لريم ونريد نطلع
ريم //عموو اريد اشوف بابا وجدوو
حباب عموو الله يخليك
امير //وج بابا حالج تعبان مايسمح ليش تضرين روحج هيج عموو ليش دموعج ما سكتن مابيهم شي بنيتي

ريم //عمو اني بهالعمر وشفت هيج مصايب لعد من اكبر شاشوف 😭😭اخذني الهم حباب عموو

امير //صار امشي يللة
ورحنة اخذتها الهم لگيت امها بالباب
گاعدة شافتنا وگمزت اجت علينا
ام كرار //------------------------------
-----------هل ماحدث جعل امها تحن ام عدها كلام ثاني
إلى هنا نتوقف معكم ولنا لقاء اخر غداا انشاء الله تقبلو تحياتي
الكاتبة ام ماهر الكربلائية