مملكه الراقي

وجه جديد

مملكه الراقي
الجزء الثلاثون
وجه جديد

سلامي الي من اعلنت عليا الحرب من اجل حبها من انشأت جيوش العشق لتنال مرادها وحطمت كل قواعد السلام لترضي غرورها مع انها ليست لي ولست لها ... تمادت في ذاك الحب العقيم لتثبت لي قبل ان تثبت لها باني قادر علي التمسك بها ...
في زحام الدنيا وغربه الوطن وتناهيد السلام التي لم احظي يوما بها اجلس وحيدا اخاطب ذاتي واشفق عليها من اعماق قلبي لانها تحملت فوق طاقتها مالم يتحمله بشر فاعتزلت الجميع واصبحت وحيدا ولا اريد من الدنيا اي شيء حتي كتاباتي انقطعت عنها لبرها من الزمن لكي استعيد نفسي واستعيد ما تبقي مني ليزداد تمسكي بالحياه تلك الفتره تمر علي كل انسان فيوجد من يكون قوي ويخرج منها ويقف علي قدماه من جديد ويوجد من هو ضعيف جدا فتميته الظنون والشكوك ويصبح عديم الفائده ويوجد من لا يبالي لاي شيء مهما حدث له ويذهب دون سابق انذار من كل شيء ويكون هذا بالنسبه له هروب اضطراري اما عني انا فقد وجدت السلام الداخلي ولكن يوجد بعض الشوائب ستزول مع الايام ....
الرجاء الدعاء لشخص مميز جدا بالشفاء العاجل وانه يقوم بالسلامه ......
وبعتذر عن التاخير بالكتابه

مملكه الراقي .... وجه جديد ..... الراقي

مالك ياسلمي
مدايقه جدا
ليه
مش عارفه ليه ازاي يوعدنا وميجيش
ممكن تكون عنده اسبابه
لا طبعا هو قاصد يعمل كده
انتي ممكن تتخيلي ان كمال ممكن يوعدنا وميوفيش بوعده
ده الي واضح طيب تسمي الي عمله ده ايه
والله انا ما عنديش اجابه بس مش متخيله انه ممكن يكون كده
ويمكن يكون مش معاه فلوس يعزمنا واتحرج ومجاش
مش عارفه بجد بس ياسلمي التمسي العذر ليه والله اعلم بظروفه
علي العموم بكره هننزل علي القاهره وكل واحد هيروح لحاله بس انا هتجنن واعرف في ايه هتجنن ليه مجاش ياساره
علمي علمك يابنتي اصبري بس وهنعرف كل حاجه ياخبر النهارده بفلوس بكره هيبقي ببلاش
خير خير خير
اول مره اشوفك متعصبه كده
انا مش متعصبه ولا حاجه انا زي الفل وهاديه جدا وعشان اثبتلك ده هنخرج نتفسج ونسهر ونقضي يومنا عشان تعرفي اني مش مدايقه ولا زعلانه

بلاش نخرج تعالي نسهر انا وانتي لوحدنا هنا بقالنا كتير مسهرناش سوا

تمام نسهر هنا في البيت ياساره زي ما تحبي شغلي الكاسيت والسماعات وطلعي بيره من الثلاجه ولفي كام سيجاره لحد ما اجيلك

مانتي عارفه ماليش في اللف ده

خلاص الف انا هدخل اغير هدومي وارجع

تمام متتاخريش

اما كمال فكان قاعد في المستشفي وحزن الدنيا جواه عاوز يطمن علي امه باي شكل الساعه بقت ٢ وهو قاعد قدام اوضتها ومنتظر انها تفوق ويشوفها بفروغ الصبر ويطمن قلبه ونفسه عليها وهو قاعد طلع فونه الي قفله ولقي رسايل ومسجات واتصالات كتير جاتله واغلبهم من ساره وسلمي وافتكر انه كان واعدهم بانهم يخرجوا النهارده قبل ما يسافروا ولسه بيفكر يتصل بيهم ويعتذر رن تليفونه بيبص علي الاسم لقاه سلمي فتح المكالمه واول ما فتحها بدون سلام ولا كلام تليفونه فصل شحن
يووه هو ده وقته بردوا زمانهم دلوقتي بيقولوا اني اتهربت منهم ياريتني ما فتحته لازم اشحن الفون واتصل بيهم وقام من مكانه ومشي في الطرقه مافيش حد موجود لقي ممرضه قاعده في مكتب في الطرقه
لو سمحتي
اتفضل
مالقيش شاحن جلاكسي مع حضرتك
لا والله للاسف مافيش ممكن تروح اوضه الدكاتره هتلاقي عندهم اكيد
شكرا ليكي
عارف فين اوضه الدكاتره
لا والله واتحرجت اسالك
لا عادي اول غرفه بعد الممر ده
شكرا ليكي