مملكه الراقي

فرصه سعيده

مملكه الراقي
البارت السادس والاربعون
فرصه سعيده

اوجاع جوانا ومخليانا مشيين بالعكس ومش عارفين احنا رايحين فين او هنوصل لايه بنكابر ونعافر مع الدنيا وكأننا ابطال خارقين بنبان اقويه جدا قدام كل الناس واحنا من جوانا هش وضعاف جدا وده السبب اننا عايشين جروحنا بتقوينا وبتفرض علينا اننا نكون قريبين من نفسنا وبنحاول نعالج الي انكسر فينا سواء كان من خداع او فراق او وجع او عدم تقدير او ان ما يكونش فيه اهتمام بنبقي من جوانا بنموت حرفيا بس بنضحك وبنبتسم وبنتحمل وبنيجي علي نفسنا عشان العجله تدور وبنقول امته يجي الليل عشان اختلي بنفسي واكون لوحدي واقلع الماسك الي لبساه طول اليوم قدام كل الناس مسك القويه والشجاعه عاوزه ابقي بطبيعتي واكون زي منا بطبيعتي بس الي بعمله صح اني مبينش ضعفي لحد عشان افضل عيشا والفضفضه مش وقتها خالص عشان منكشفش قدام حد

للاسف اغلب الناس بتوصل للمرحله دي وده نتيجه ثقتهم في اشخاص متستهلش الثقه نتيجه عطائهم بكثره من طاقتهم وراحه بالهم لحد ميستهلش انهكوهم عشان طييبين كونوا بخير دائما وعيشوا بسلام ووئام وامان

مملكه الراقي ..... فرصه سعيده ..... الراقي

يااه ياكمال تهون عليك وفاء حبيبتك تعمل كده فيها هو انت يعني مش واثق فيا وعارف اخلاقي ده ياكمال تشك فيا كده بس عنده حق واحد جاله فيديو لخطيبته مع صاحبه هيعمل ايه يعني هيسقفلها وبعدين ده مش اول مره قبل كده جاله فيديو مالوش ملامح وانا في حضن حد وتفهم الموضوع وحله كمان لكن دلوقتي مبرري ايه ولو اقسمت ليه بكل ما هو غالي ونفيس مش هيصدق لان عندي سابقه كل ده حصل بسبب الكلب صلاح وانا كمان غلطانه اني روحت قابلت وائل بس اكيد في حد ورا الموضوع ده وعاوز يخرب بيتي ونجخ انا مش عارفه هعمل ايه في المصيبه دي بجد انا هتجنن هتجنن اكلم وائل واشوف حل للمصيبه دي وربنا يعديها علي خير

الو ياوائل
ايوه ياوفاء خير متصله بيا في الوقت ده ليه
كمال ياوائل
ماله
اتجنن
اتجنن ازاي يعني مش فاهم
بيشك فيا
ليه
في حد ابن جزمه بعتلوا فيديوا ليا وليك في الكازينوا واحنا في العربيه كمان
ومين ابن الحرام الي عمل كده وازاي كمال يصدق حاجه زي دي
اهو صدق وقلي كمان خلي وائل ينفعك
هي وصلت لكده
شوفت انا وصلت لايه خطيبي بيشك فيا اني بخونه ومع مين مع اعز اصدقائه كمان
انا هتصرف ياوفاء وهحل الموضوع ده ولو وصلت اني اسافر ليه كمان
تسافر
ايوه
طيب ابقي خدني معاك
انتي بتقولي ايه
منا مش هفضل هنا اخرق في دمي
بس قبل ما نعمل اي حاجه لازم نعرف مين الي عمل كده
ان شاء الله