مملكه الراقي

مجرد اعجاب

مملكه الراقي
البارت الثاني والاربعون
مجرد اعجاب

يعجبني جدا الشخص الفاهم وعارف هو عاوز ايه الشخص الي عارف حدوده ومبيحبش اللف والدوران عشان يوصل لغايته خليك صريح وقول الي جواك بدون خوف لخساره حد لانك كده كده هتخسره يبقي اخسره وانا مخرج كل الي جوايا بصريح العباره احسن من اني اخسره ولسه ليه جوه قلبي مكانه ...
خليك واضح وصريح واهم حاجه صراحتك مع نفسك الاغلب منا مالوش هدف عايش كده والسلام مجرد عابر سبيل مر علي قريه مرور الكرام حتي ما اكلش فيها ولا شرب شربه مايه لازم تحط بصمتك وتسيب اثر جميل بين الناس بسمعتك الحلوه ومواقفك النبيله مع العلم ان نبيله اتجوزت ومجبتش عيال لانها رغم زواجها ما زالت بكر لانها تزوجت من شخص لا تحبه سلمت جسمها بس ليه وهتفضل طول عمرها بكر لان روحها مع الشخص الغلط الي مكنش من نصيبها والنصيب دايما غلاب والفراق هو الي مسك الزمام وبقي ملك كل الازمان ...

خليك بطبيعتك واضح وصريح والي مش عجبه صراحتك وصدقك وانك مش بتجامل فخسارته مكسب ليك عشان تفضل زي ما انت انسان قلبه نظيف

الراقي .... مجرد اعجاب.... مملكه الراقي

انا بجد محتار ومش عارف اعمل ايه تعبت بجد من التصرفات ومن حياتي دي ولما قررت استقر وابني اسره لقيت كل الاغرائات جاتلي من جديد وكان الدنيا بتقلي ان لحقت تزهق مني انا لسه هوريك وبعدين موضوع وفاء ده قلقني جامد رغم اني عارف ان الي حصل كله غصب عنها بس بجد مستغرب ليه يحصل معاها حاجه زي دي ما يمكن تكون هي الي عطت ليه انطباع انها كده ممكن يكون لبسها ملفت وخلاه يفكر فيها انها شمال ويمكن يكون هو ابن كلب وعينه زايغه وبعدين دي مش وفاء لوحدها دي بنات كتير اوي اعوذ بالله من الشيطان ابن القلب الي خلي دماغي تشتغل في حاجات غريبه ووسخه اوي المهم دلوقتي انا هعمل ايه ودانا دي هتصرف معاها ازاي لانها بجد دخلتني في حيطه سد وبتغريني يخربيت جمال اهلها البت دي هتجيب اجوان فيا كتير لو فضلت معاها هنا انا احسن حل اخد غرفه لوحدي وابعد عنها لان الشيطان حريف وبيعرف يحاول ويعمل بينيات حلوه اوي تخليك تجيب الجون وانت مستريح الله يخربيتك ياشوشو

كمال
.....
ياكمال.....
.....
ايوه
وينك في
هنا
جالس بقالك ساعه سرحان وفي الاخير تقلي هنا ياتري ايش الي واخد عقلك
مافيش حاجه
لا جد انا فهمالك كويس وادرا احد بيك
لا عادي سرحت بس بفكري شويتين
ووصلت لوين
لمصر
الله علي مصر وجمالها
وخيالك وداك فين في مصر
بيت وفاء
وايش كمان
واوضتها
وايش كمان
وسريرها
اقلك ان لو قاصد تحرق دمي ماراح تقول هيك كلام
مش انتي الي سالتي
أنت قاصد جد تفور دمي يارتني ما سالتك
ليه بس انتي صممتي اني اجاوب وانا جاوبت
طيب حقك علي انا غلطانه
ولا يهمك عادي
بارد
عارف بقلك يادانا
خير عاوز ايه من زفته
هنسافر امته
بكره هنشحن الطلبيه ونسافر
كويس
ايش الي كويس
اننا هنسافر قريب
ليش
لا اصل حسين وحشني
والله
اه والله
الصبر من عندك يارب انا قلت اجيبك هنا ونقصي وقت سعيد بس انت للاسف دماغك قفل
دانا
نعم
انتي ليه مش قادره تستوعبي ان كل الي بينا يعتبر انتهي وانب خطبت وبحب خطيبتي
وليش نقول الكلام ده الحين احنا بينا اتفاق وانت لسه مارديت علي واعتقد ان من الاحترام انك ترد عليا وتقلي رايك وانا خدت عهد بيني وبين نفسي وقلتهولك سابق اني ما راح افرض نفسي عليك لاني انسانه عندي عزه نفس وكرامه والف من يتمناني