مملكه الراقي

ربنا يتمم بخير

مملكه الراقي
الجزء الثاني والثلاثون
ربنا يتمم بخير

عاوزه احكيلك علي كل حاجه جوايه ...عاوزه اقلك الله بخليك ما تسبنيش وابقي معايه... انا معرفتش طعم الدنيا ولا فرحتها غير وياك ...بترجاك... اوعي في يوم تتخلي عني خلينا معاك .. اصل الورده محتاجه دايما حد حنين يحتويها ... محتاجه قلب كبير يسكن فيها وتسكن فيه ... بترجاك خليك ويايا.. خلي ايديا تلمس ايدك  خلي عنيا تشبع من عينك انا ياحبيبي كلي فداك بترجاك تفضل ويايا بترجاك خليك جوايا .. ايوه بحبك وعمر فداك ايوه ياعمري انا بترجاك .. منا ابقي حبيبتك ضي عيونك بسمه روحك انا وياك وروحي فداك ما انت حبيبي وانا بتمناك ....طبعك قاسي وانا حباه .. عرفه ظروفك وبستناك .. عمري ما هيأس عمر ما مل دانت حبيبي وجوه القلب ... والله بحبك حب جنون .. قلبك انت قلب حنون ايوه بحبك واتمناك .. انا ياحبيبي انا بترجاك ... اوعي تسيبني الله يخليك ..

ما تخافيش انا مش نسيكي ماتخفيش انا كلي ليكي

مملكه الراقي .... ربنا يتمم بخير...... الراقي

ايه ياحسن ايه الي جابك
جاي اطمن علي الحاجه ياجدع
اطمن هي بخير
هو في ايه
في ايه في ايه
البنتين دول ايه الي جابهم هنا
بنتين مين
الي مع الدكتوره دول
اه جايين يشوفوا ماما ومش عارف مين ابن الجزمه الي قلهم اني هنا
متشتمش بس الي قلهم ياكيموو
ليه هو كان من بقيت عيلتك انا لو شفته هضربه بالجزمه
ياعم متغلطش
مالك انت انا بشتم الي قالهم
منا الب قلتلهم مكان المستشفي
ما انت غبي
وانا ايه عرفني انهم ولاد مجانين ياجدع وهيجولك هنا
اهم جم يادكر وهيعملوا فضايح اقل ابويا مين دول ها قلي
انا هتصرف واخدهم من عند الدكتوره واخليهم يمشوا
ياريت يافالح
المهم خلي الفلوس دي معاك يمكن تحتاج لحاجه
والله معايه فلوس
عارف ان معاك بس خليهم احتياطي
تسلم ياصاحبي معلش متقل عليك
عيب ياجدع احنا اخوات
حبيبي ياابو علي

خد كمال الفلوس من حسن وحطها في جيبه وشفته ساره وجت عليه تجري وقالت

يعني انا بديك فلوس مش عاوز تاخدها ويجي صاحبك يديك فلوس تاخدها منه ماشي ياعم كمال شكرا ليك ولعدم تقديرك

حيلك حيلك في ايه ده صاحبي واخد منه لاني هردهاله في اي وقت لكن هاخد منك فلوس بتاع ايه وهردهوملك فين واحنا متعرفش بعض غير من كان يوم لو كنتي صاحبتي او حبيبتي كنت اخدت منك بس احنا مافيش بينا حاجه

بقي كده ياكمال ماشي اعمل فرق بينا كده بس سهله واختها مش مستهله

لا ياساره اختها نهله