مملكه الراقي

وسط الطريق

مملكه الراقي
الجزء الثامن والاربعون
وسط الطريق

هو معني انك تهتم بحد يعني انك بتحبه هل الاهتمام في الحب بس ولا الاهتمام بيكون ليه اوجه اخره غير الحب ما انت ممكن تهتم بحد بتعزه وبتحترمه تهتم بحد من باب جبر الخواطر تهتم بعيلتك تهتم باصحابك اذا كنت فعلا علي خلق لكن اهتمام الحب وضع مختلف تماما او زي ما بيقولوا في حته تانيه خالص حبيبك لما بتهتم بيه بيكون اهتمامك بكل تفاصيله بأدق التكات في حياته لان اهتمامك بيخليه دايما علي الطريق الصحيح وبيتمنب الموت لو بعدت عنه او تجاهلته عشان هو اتعود منك علي الاهتمام علطول وحب فيك كده لما تيجي تتجاهله انت كده بتقتله الف مره بدم بارد من غير ما تحس عشان كده لما تهتم بحد خليك دايما جنبه ومتحسسهوس انه تقيل لان الاحساس ده بيدمره رفقا بمن احبوكم ومن عودتوهم علي وجودكم بجوارهم رفقا

يوووه بقي هو في ايه تليفونه مقفول ليه ده هو كمان انا زهقت بجد والله ومش عارفه اهبب ايه تعبت تعبت
في ايه يابنتي مالك بتصرخي كده ليه وتعبني من ايه يابنتي
مافيش ياماما
ماهو واضح انه مافيش مالك ياوفاء في ايه
مدايقه ياماما جدا
ليه يابنتي كفاله الشر في ايه
وائل
وائل مين ده كمان
صاحب كمال الي هسافر معاه الصبح
وانتي مسافره مع صاحب كمال ليه
منا مسافره لكمال ياماما ووائل صاحبه كمان مسافر معايه عشان ماسافرش لوحدي
افهم بردوا بصفته ايه
يوووه ياماما قلتلك صاحب كمال عشان منفعش اسافر لوحدي
تاني بردوا لا انتي اتجننتي خالص انا ماليش خلق للكلام ده تعالي ياحج شوف بنتك انجننت خالص اتجننت علي الاخر

في ايه ياام وفاء مالك
بنتك
مالها
عاوزه تسافر دبي مع صاحب كمال
ايه الكلام الي امك بتقوله ده ياوفاء

ايوه يابابا مسافره دبي مع وائل صاحب كمال
ليه يابنتي
بص يابابا هقلك علي كل حاجه
اتفضلي سامعك
انا وكمال اتخانقنا وهنسيب بعض
ليه
حصل مشكله كبيره اوي بينا وفجوه وظن فيا ظن السوء وان في علاقه بيني وبين وائل صاحبه بسبب الزفت الي اسمه صلاح الي ربنا ينتقم منه
علاقه وصلاح
ايوه يابابا صلاح كان هيموت ويجوزني ولما اتخطبت لكمال غار جدا وعمل حاجات كتير دمرني بيها عشان يبوظ سمعتي عند كمال ويسبني واتجوزه كل حاجه تخطر علي بالك من دناوه وقله ادب عملها معايه واخرها صورني وانا قاعده مع وائل في كازينوا وبعتها لكمال وقاله اني بعد هو ما سافر بقيت دايره علي حل شعري ومع صاحبه الانتيم كمان وهو صدق الكلام
معذور يابنتي طبعا وعنده حق بس كان المفروض لو بيثق فيكي وف صاحبه عمره ماكان هيتوقع منكم كده وهيكدب عنيه المهم فهميني انتي مسافره دبي عشان كده
ايوه يابابا
وانا الي فكرتك هتتفسحي هناك
لا يابابا محبتش اكدب عليكم وقلت لازم اصارحكم بالحقيقه لاني مش بعمل حاجه غلط
ودي بنتي الي مربيها سافري يابنتي وصححي غلطك الي غلطتيه