مملكه الراقي

قرار اجباري

مملكه الراقي
الجزء الخامس والعشرون
قرار اجباري

من اين ابدء كلامي ومن اين انهييه فكلماتي كلما كتبت تجاوزت كل المراحل بالتدريج فسوف اقص عليكم قصه  بدئت من زمن قريب عن من كانت هنا بينكم تسير وفي قلبها كم كبير من المشاعر والاحاسيس كانت كالفراشه تطير من زهره لزهره اتستشنق ذاك الرحيق كانت ملونه بالوانها الخرافيه لتسر عين الناظرين واثناء تجوالها قابلك دبور مشاكس وعنيف فابهرها بخفه ظله وقوامه الانيق وهو اعجب بلونها وقال لنفسه ساغير نسلي وانجب اناث وذكور لونهم جميل  وقفت الفرشات لتمنح هذا الحب العقيم ووقف الدبابير امامه لان ما سوف يفعله هذا الدبور شبه مستحيل ولكن عنادها وحبها له  اغمي عينيها عن اشياء كثير كيف لتلك الفراشه الجميله صاحبه الالوان الذاهيه تدخل لعش الدبابير وقد كان تزوجها ودخل بها الي عشه رغم انف الكثيرين لم تعتاد الفراشه ان تكون بعش حبيسه او تاكل ورق الاشجار فهي تتغذي علي الرحيق لم تشاهد  غير دبابير في الصباح والمساء واصبحت لهم فريسه او لوحه فنيه يشاهدها الجميع فما كان منها الا ان طارت بعيدا وبعيدا لتهرب من هذا الجحيم ولكنه نسيت ان باحشائها يرقات هذا الدبور اللعين الذي اكتشفت ان حبها له كان مجرد زيف وخداع كبير فرجعت مره اخري الي عشها لتكون من ضمن الدبابير لانها اصبحت منهم ولا سبيل للنجاه من ذاك الجحيم .....

لا تاخد ولا تحب الا من يكمل نقصك ويشبهك في حبك وغير ذلك يفضل ان تكون وحيد ....

مملكه الراقي ...... الراقي ..... قرار اجباري

والله منا عارف اعمل ايه بجد خلاص كده جبت اخري واول مره احس اني محتار ومش عارف اعمل ايه اعصي كلام ابويا وامي ولا انفذه اسيب ميولي عشان اراضيهم ولا افضل زي منا كده كان حلمي اتجوز واحده عندها نفس ميولي دي بس بجد مش عارف الاقيها وغير كده كمان مش عاوز ازعل ابويا وامي لان من حقهم يفرحوا بيا ويشيلوا احفادهم بس ازاي بقي مش عارف انا هاخد الشاور بتاعي واهدي يمكن انام شويه واقدر افكر كويس في الموضوع ده

ساره
نعم ياسلمي
هو مافيش اخبار عن كمال
لا
مكلمكيش
لا
طيب متعرفيش جي امته
لا
انتي عليكي عفريت اسمه لا
معرفش ياسلمي مقليش وانا معاكي طول اليوم هعرف منين
طيب متزقيش بس
مبزقش وانتي عارفه
انا هتصل بيه
اتصلي وانا مالي
انتي كده متعرفيش تريحي خالص
اصل هقلك ايه بس
متقوليش حاجه

يووووووه مبيردش عليا
حاولي تاني بمكن يرد
طيب
انا مستغرباكي بجد
ليه
مكنتيش طيقاه ودلوقتي هتتجنني انه مجاش ومزاجك زفت دنتي خلصتي علبه سجاير
لا عادي جدا انا بس كنت بشوفه عشان يتعشي معانا لاني عملت حسابه وخساره الاكل يترمي
اه صحيح حرام الاكل يترمي بجد
بتلمحي بايه ياساره
مش بلمح علي حاجه ياسلمي عادي جدا ده مجرد كلام مش اكتر  واهو تليفونك رن اكيد هو