مملكه الراقي

شكرا بجد

مملكه الراقي
الجزء الواحد والثلاثون
شكرا بجد

فارقونا بالمعروف او اتركونا نسير طرقنا بمفردنا لقد سئمنا من وعودكم واصبحنا لا نبالي .. كنا شامخون دائما مثل الجبال العاتيه فانهكتمونا وجعلتمونا مثل الهشيم يتخبطنا طاره يمين وطاره يسار مع الرياح ... لماذا تفعلوا هذا بمن جعلكم نصب عينه لماذا تركتمونا نسير وحدنا وقد كنا نحن بصيص الامل لوجودكم هنا نحن من علمناكم الحياه نحن من جعلناكم تيجان فوق الرؤس نحن من علمناكم كيف تزرعون ونحن اول من حصدتموهم ... ولكننا تعلمنا واصبحنا بنعمه كبيره لقد علمنا مقامنا عندكم واصبحتم لاشيء بالنسبه لنا فمن لا يحملنا فوق راسه تاج لا نراه الا تحت ارجلنا تراب هكذا تكون الحياه عادله وهكذا نكون متساويين لاننا جعلناكم فوق السحاب ووضعناهم فوق الرؤس وكان المقابل عدم الاهتمام ونسيان المعروف فالعين بالغين والسن وبالسن وعلي الباغي تدور الدوائر هكذا نحن وهكذا انتم بيننا فرقا كبير فنحن نعلم جيدا كيف نعامل الناس ونحترمهم ونقدرهم وانتم تعلمون جيدا كيف تستنزفون مشاعر الغير لم اكن ادرك يوما بان الثعالب تجالس الذئاب ولكن عندما رايتكم تاكد بان الثعالب لا تعرف غير الثعالب والذئاب لا تشارك وليمتها غير الذئاب نضجنا وتعلمنا الكثير من الاشياء التي تجعلنا فوق الجميع اسياد باحترامنا لذاتنا وتقدرينا للجميع هكذا تعلمنا وهكذا سوف نعيش دوما ....

مملكه الراقي...... شكرا جزيلا ...... الراقي

هي الدنيا بقت ظلمه كده ليه والناس نفوسها اتغيرت ليه بقي الوضع مزري والحكايه بقت مسخه وفعلا خيرا تعمل شرا تلقي انا عملت خير كتير في ناس كتير بس الاغلب كان بينقلب عليا شر انا عارف اني مش ملاك واني غلطت كتير بس حتي وسط غلطي كنت راجل وكنت انسان يعتمد عليه عمري ما خونت ولا عمري جيت علي حد ولا نقلت اسرار وعشان كده بقيت محبوب من الجميع ومافيش حاجه مودياني في داهيه غير جدعتني بس هعمل ايه اتربيت علي كده واهلي علموني الاحترام واني اساعد اي حد علي قد ما اقدر ياااه الدنيا دي بقت وحشه والله ومافيش امل فيها انها تتعدل خالص بس ارجع واقول الدنيا هي هي الناس هي الي ضمايرها بقت زفت ونفوسها بقت مريضه ما علينا النهارده انا هروح اخطب عشان ارضي امي وابويه وهضحي بميولي الي بحبها عشان اسعدهم وبس ودي اقل حاجه ممكن اقدمها ليهم واديني هشوف بنت الناس واتمني الاقي فيها اي حاجه غلط او متعجبنيش عشان تبقي حجه واسيبها

ياكمال
نعم ياحجه
انت لسه ملبستش يابني
منا لابس اهو ياماما
لابس ايه
لابس هدومي
الطم ولا اصوت
ليه بس ياست الكل
يامحمد
نعم في ايه
تعال شوف ابنك عشان زهقت منه بجد
في ايه بس مالكم
ابنكم كده جاهز احنا رايحين نخطب ليه وحضرته بالمنظر ده
ايه يابني ده انت حتي محلقتش دقنك ولبسك بتاع الشغل هتروح تخطب بيه
يابابا انا كده وحش
ايوه وحش عندك لبس افضل من ده قوم ياعم الله يكرمك احلق دقنك واستحمي والبس
حاضر ياحج حاضر
انا هقوم اجهزلك لبسك واكويهولك علي ما تحلق وتاخد دوش وانجز باقي ساعه ونص علي معادنا مع الناس مش عاوزين نتاخر
حاضر حاضر