الشاهين

١

مدخل..

دفنوها هناك ي عمتي،امشي أمرقيها،دفنوها يمة شوفيها بتكورك كيف ارح نطلعها، فاطمة بتنادي كايسهه البمرقها من هناك واااااي ي عمتي عليك الله كلمي ابوي الشيخ يعفيها،كلميهم يخلوها يمة هي قالت لي تاني م بتعمل كدة عليك الله يمة كلمي يابا الشيخ هو بسمع كلامك عمتي فاطمه، فاطمة بتموت كدة ي عمتي ...

سلافه!!
،طلعوها عليك الله خلوها..
ي بت سلافه اصحي..
عمتي فاطمة،قتلوها ي عمتي
ي بت ها افتحي عيونك ديل..
كلمي ابوي الشيخ يمة خليهم يعفوها عليك الله 😭
سلافهه ي بت فتحي كدة ها،ي بت،بتكلم معاك انا ،
سلافه،سلافهه سامعاني؟
ها  في شنووو ي امي ؟"سلافه بتفتح عيونها وهي مفزوعه"
  قولي بسم الله ي بتي كدة،قولي بسم الله
م تبكي عليك الله ي بتي خلاص كفايهه استغفري ي بتي استغفري 💔

م قادرة اشيلها من بالي ي عمتي قتلوها قتلوها ..
انا مش قلت ليك قبل تنومي صلي واقري ليك قرءان ي بتي؟
قومي كدة،قومي اقلعي ملابسك دي واللبسي ليك ملابس ناشفه دي مليتها ليك مويهه،قومي الله يرضى عليك،قومي صلي ليك ركعتين كدة الله يرضى عليك ي بتي
حاضر قااايمهه يمة...

اااااخخخخ ي بتي اااااخخخخخ من الدخلت فيك وحلفت كان تمرق لَـگِنْ نسوي شنو عاااد حال الدنيا ..

..........
مدخل2=
ااااااااسلافهه بدور اقولك شي..

قولي ي التايهه اختي!

بنيتك دي قدامها شويهه وتبقى بت طبعاً، اها امبارح بانقا  كلم ابوه شان يكلم ابونا الشيخ يحجزها ليهو واظن هسي الحاج بكون قعد مع ابونا الشيخ وفاتحو في الموضوع قلت النكلمك ..

بتي اناااا بتحجزوها؟بري بتي م بديها  دايراها تقرأ حاشاها العرس بدون قراية..

التايه:ها شن نفعها القرايهه؟! الفي عمرها واكبر منها كلهن بقن نسوان وعرسن عرس الهنا والسرور وجابن وليدات شن فايدتها القرايه كدة قولي لي غير ضياع زمن وتخلي الواحدة تكبر لمن تعقر وتقطع..

التاااااية ؟؟؟

التايه:النبي م صِح كلامي  ي حاجه حليمي امرقي النصيحهه؟ شن فايدة عرسك وانتِ كبيرة؟ الواحدة تقعد تقول تقول بدور القراية بدور القرايه وتقعد تباري دربها بعدين لما يفيض بيها والقطر يفوتها  تقابض في رجال النسوان الاصغر منها ويعرسوهم بدون رضى وليانهم كمااان..

سلافه:التاية قولي كلامك بالدغري اخيييير من اللف والدوران، انا يختي كلامك البتقوليه في الحله كلوووو واصلني بالحرف الواحد لكن مفوتاهو ليك بمزاجي ..
يختي العرس دة قسمة ونصيب اصلو م بالعمر، تاني شي ابو بتي العرسو مني لغاااايهه م دخل التراب واجعكم وبتطاعنوني بيهو دة اختارني  عشان هو زاتو كان كايس للمتعلمه عشان فتر من الجهل القام لقى نفسو فيهو دة،الحمدلله م شفت منو الا كل خير،احترام لقيتو منو،تقدير لقيتو منو،شايلني فوق راسو وعاملني ملكة قدام القبيله كلها لا يوم اساءني قدام زول،ولا يوم جدعني بي نعال قدام زول،ولا يوم ضربني بي عكاز قدام زول،ولا يوم اتكلم معي بطريقه م سمحهه قدام زول، لأنو عارفني م برضى على نفسي حاجه زي دي ،دة الفرق في المعامله بين المتعلمة والما متعلمة فهمتي؟
غير كدة البتعملوهو في بناتكم هنا دة اسمو جريمة م عرس،ماف واحدة بعرسوها عمرها 8سنه او حتى بحجزوها،بنات هن ولا صرفه صندوق؟ دة جهل منكم كان انتو بترضوهو على بناتكم انا لا، بتي دي بموت فيها برااااي م تقولو ابوها ماف معناها خلاص م عندها البقيف في راسها