الشاهين

٣٧

ضحكت..

بقى يعاين لي بإستغراب،قال لي جادي انا ي شهد..

قلت ليه بقيت م بستغرب او اتصدم في شي بخص سامر كمل كمل..

قال لي برضو م زي م انتِ فاهمة،

عرس لي عرس بفرق ..

صاحبنا دة الأخو الوحيد ليـّۓ اختو دي،وامو وابوه متوفين وهو العايلها ومهتم بي كل امورها حتى الما بقدر عليها بأجر ناس يقومو بيها،باقي ليها ام واخت واي شي وم عندها غيرو،حتى عرس م عرس لأنو م عايز يقصر في حقها او.كدة،

كلنا كنا بنتعجب م̷ـــِْن امرو،فجأة البت ظهر ليها ورم في الراس،بعد فحوصات وصور وبتاع طلع سرطان، والله ي شهد قعد في الارض وبكى زي الشافع لما استلمنا الفحوصات،الزول دة بقى زي المجنون م̷ـــِْن الهم قادرة تتخيلي؟وبراهو،زول م̷ـــِْن اهلو بقيف معاه ماف والبقيف م على قدر كدة يعني ضر اللوم بس م اكتر خالات على عمات ولا اعمام زاتو ، نحن بس معاه بدينا نجهز في اوراق السفر عشان يوديها الاردن تتعمل ليها العمليه هناك والترتيبات هناك وكدة،

صاحبنا دة يوم لأخر الًيَوُمًِ بالليل معانا،قال لينا ماشي اصلي العشاء وانوم،اها النومة الياها ..

قلت ليه م فهمت؟

قال لي اتوفى،

قلت ليه اتوفى؟ مقتول ولا مالو؟

قال لي موت •اللّـہ̣̥ ساااي ي شهد والله يومو تم بس، الكلام دة قبل 4 سنه كدة بالضبط،نحن زاتنا لغاااايه اللحظه الموضوع دة باقي لينا كضب كضب ومأثر علينا ،قادرة.تتخيلي لاخر لـحـظـــِھّ ; .. بالليل نحن مع بعض ونسه وضحك عشان نطلعو م̷ـــِْن جو الهم الهو فيهو دة والوقت داك هو وسامر كانو اختاروهم لعيبه في نادي كورة معروف وخلاص يعني شبه العايزنو اتحقق ومفروض يسجلو ف جاهو قدر ربنا على شكل ميته هينه شديد وزي الما حقيقة كدة..

المهم بعد الوفاة بكم يوم اتلمينا وقعدنا مع اهلهم عشان نشوف منو البمشي مع البت دي واجراءات العلاج والكلام دة،

الصدمة كانت انو.كل الناس دي اي واحد طالع ليه بعذر،هم اصلاً نسبة لإعاقتها م متقبلنها حتى صاحبنا دة كان نادراً م يواصلهم، متحمل مسؤليه اختو دي بحالتها دي براه،

قلنا ليهم يخوانا الزوله دي اوراقها جاهزة.واي شي زول واحد م̷ـــِْنكم انتو ممكن يمشي معاها ونحن متكفلين بي كل شي ذهاب وعودة ومصاريف واي شي بس لآزٍمٍ يمشي معاها زول للعلاج والعمليه وم ينفع تتأخر عشان الورم في زيادة.ووممكن ينتشر في اماكن تانيه ويتمكن م̷ـــِْن الجسم الوقت م في صالحها

قالو لينا كدة.نحن حنقعد ونتشاور ونشوف منو البمشي وبنديكم خبر..