الشاهين

٣٦

اخدتهه لي سكته وانا بسمع فيهو ودموعي في طرف جفوني

مسحتها بسرعه قبل تنزل وبقيت اعاين بالشباك ويدي بترجف..

قال لي شهد

ي بت ..

قلته ليه انت ببساطه هسي بتقول گلآمَگ دة كأنك بتحملني المسؤليه اللي هو انا م استحملتك علشان كدة طلقت مش دة الفهم العام بتاع گلآمَگ ؟

قال لي دة الفهمتيهو؟ ؟

قلت ليهو ايوة دة الفهمتو م̷ـــِْن المغزى بتاع گلآمَگ حتى ولو بصورة غير مباشرة انت شايف انو انا السبب م علشان انت متسيب او عديم مسؤليه او غيرو،يااااخي منو القال ليك م حستحمل؟نحن عاقدين يعني العلاقه دي نحن طرفين فيها انت نهيتها بمنتهى البساطه م̷ـــِْن غير م ترجع لي ،ولا تقعد معي ولا تشرح لي ولا اي شي،انت ي سامر ..

بقيت ببكي وبمسح في دموعي وهو ساكت..

قلت ليهو ياااااخي اضعف الإيمان م تحسسني إني م بستاهل،ياخي خت نفسك مكاني هل كان الموضوع دة عادي حيكون بالنسبه ليك؟

امي،ابوي،اهلهم،الجيران ،لما يقولو انفصلو مالهم، عارف جواب قسمة وانتهت دة في تحتو.الف إستفهام؟ ؟؟

انت احترام م احترمتني،فجأة اختفيت وفجأة ظهرت وقلت خلاص الموضوع انتهى العقد دة لْـۆ كان لعب شفع حيكون عندك جديه ومسؤليه اكتر م̷ـــِْن كدة،

قال لي شهد، عارفه مشكلتنا الاساسيه شنو كانت وللأن قايمة؟ اننا م قادرين نتفاهم

قلت ليهو م ودة البتعملو انت، انت م اديتني فرصه افهمك حتى

قال لي لٱ بسبب انو انتِ بتفهمي العايزة تفهميه بس ي شهد بتفهمي الدايراه م عندك شي وسط وبالصورة دي حتى لْـۆ كنا بقينا في بيت واحد برضو م حنستمر

بقيت اعاين ليهه..

قلت ليه صح، فعلاً انت صح، واقول ليك شي كويس انو خطيت الخطوة دي اصلاً،بس اضعف الإيمان لما انت اتخذته قرار زي دة تتحمل مسؤليتو وتعترف بي اغلاطك مش تحملها لغيرك، 

سكت

قال لي طلعت ليك عيوبي كلها قدام وانا..

قلت ليه عارف طلعت بشنوو م̷ـــِْن گلآمَگ دة كلو؟

م رد

قلت ليه إنو انت متسبب بس ي سامر م اكتر،عايز ليك سبب ولقيتو، وحقيقةً على قدر م كان عِنـ.̷̷̸̷̐ـديّ فضول اعرف انت سبتني ليه على قدر م قرفت في اللحظه دي،ي ريتك م بررت، ي ريتك لْـۆ اكتفيت بي إنها قسمة وانتهت وخلاص.