الشاهين

٢٩

شهد،ي بت شهد هوووووووي ها

ايوة،ايوة ي امي "رديت بخلعه"

قاعدة في الشمس وماسكه مقشاشتك كدة مالك قومي ادخلي الضل الشمس دي انتِ عندك ليها علاج؟

بقيت اتلفت وانا بحاول استوعب،عاينت لروحي لقيت نفسي شايله المقشاشه ورابطه راسي وقاعدة في نص الحر وبتوهم، بقيت أقول الحمدلله إنو طلع خيال ووهم،الحمدلله، أنا زاتي غبيه كيف حأقدر امشي اقول ليه حاجه زي دي؟ لْـۆ عندي كلام اكيد مفروض يكون مع ابوي م سامر سم هاري يخخخخخ غبيهه 🤦‍♀️💔

خلصته نضافتي ومشيت على غرفة ابوي، غيرت ليه الملايات ورتبتها،

قال لي الجامعه م قاعد تمشي اليومين دي برضو؟

قلت ليه اي بعد كدة بنزل ان شاءالله

قال لي حاولي امشي وم تنقطعي،

قلت ليه اي بحاول والله،

مهند جا داخل قال ليهو ي حاج كيفك ؟

قال ليهو في نعمة ي ولدي الحمدلله،

امي جات داخله شايله جبنه،قالت ليهو هاك داير جبنه داير جبنه بسببك نزلت ملاحي م̷ـــِْن النار كان شربتها برة مالك؟

مهند ضحك قال ليها ي حجة معليش ياخ استحمليني فترة بسيطه بكرة دة اعرس واجيب لي مرة تخدمني وتخدمك 

قالت ليهو اه عرس شنو البتعرسو انت كمان

قال ليها ليييهه مالي؟ والله اعرس زي السلام عليكم

قالت ليهو هو انت قال ليك العرس دة سااااي كدة الزمن دة؟ العرس بي شي وشويات ي ولدي شي وشويات، برة البيت والعفش داير ليك مليار وزيادة شان تتم حاجات العرس سااااي م̷ـــِْن شيله لي مأكولات لي غيرو،شوف البيت، شوف العفش،

اقل شي داير ليك كم سنه لقدام.عشان تعرس عرس مرتب م عرس اي كلام

ضحكته قلت ليه الحجه دي عايزة تجرسك ي مهند 😹😹💔

ابوي قال لي تجرسو شنو والله اقنعتو وحردو زاتو 😹🤣

امي قالت لينا هي م ديل الحقيقة اكضب عاد؟ والبنات بالحيل بقن متطلعات دايرات ودايرات ودايرات، انت م عندك المعرس ليها شنوووو؟

مهند قال ليها والله ي امي ولدك شبه جاهز ف شنو شيلي الصبر بس

قالت ليهو جاهز بالنيه؟ اكان بالنيه الشباب دة كلو جاهز للعرس 😹🤣😐😑