الشاهين

٢٥

الراجل كان شبه مصدوم،وم قادر يبدي اي رد فعل،او يتفاعل بي شي، بعاين لي وبعاين لي احمد وهو ساكت..

احمد قال ليهو ي خال،عووووك...

قال ليهو كدة انا اتأخرته بشوف الملف وبدرس القضيه وبيناتنا التلفون

احمد قال ليهو جداً انا زاتي اخدته م̷ـــِْن وقتك اعفي لي، خلاص انا منتظرك بس زي م قلت ليك كل م استعجلت لي في الرد والقرار اسرع بكون اسرع عشان نكسب الزمن

قال ليهو ټمـٱمـ م عندك مشڱلھِ،يلا سلام في امان •اللّـہ̣̥

انا كمان حالتي م كانت بتفرق م̷ـــِْن حالتو،يعني زي م هو كان بوزع نظراتو بيني وبين احمد انا نفس الشي كنت بعاين لأحمد وبرجع بعاين ليهه،

بعد م اتحرك وانا عيوني معاه لغايه م طلع،احمد قال لي عوووك..

انتبهت وعاينت ليهه،بحاول استوعب،الراجل خال احمد، يعني مفروض افهم انو احمد ببقى لي ود عمتي،

ود عمتي؟

قال لي شهد في شنوو مالك؟

مسحت وشي قلت ليه، م م ماف شي،

قال لي الجاب ليك القسيمه منو قلتِ لي؟

قلت ليه انت فهمني اول، سامر كيف في السجن للأن؟

قال لي والله ي شهد للأسف هو في السجن كيف م عارف لأنو مافي اثبات ضدو،بس حبوبتو متهماهو بي قتل خالو المفروض هو متشاكل ومتضارب مع ملهم وسامر حجزهم

قلت ليهه حبوبتو؟

هز لي راسو

قلت ليه م فاهمة طيب وخالتو نور وين،وبعدين ملهم قتل كيف يعني؟

قال لي ملهم اتشاكل مع خال سامر البسكر دة،ومن ضمن الايام الًيَوُمًِ داك كان شارب،

قلت ليهو يعني ملهم ضربو م سامر؟

قال لي ملهم ضربو سامر حجزو،اختو وامو مسكوهو عشان يدخلوه البيت اظن ضربهم ال2 سامر مسكو ضربو،اخدت نفس وختيت يدي في خشمي

قلت ليه وبعدين؟

قال لي لقوه ميت تقرير الطبيب بقول انو الزول دة مات بي نزيف حاد، واتقبض الشاهين وملهم لَـگِنْ بجاي وبجاي اتلمو واتفقو على سامر وشيلوه الليله كلها وطلعو ملهم البلاغ اتقيد ضد سامر بس

قلت ليه م جادي كيف يعني؟الحبوبه عرفناها،خالتو نور وين؟ ناس بيتهم، ابوه،امو،اخوانو اخواتو موقفهم شنو م̷ـــِْن دة كلو؟

ضحك وقال لي شهد الما حقك دة عمرو م ببقى حقك،سامر م عندو اهل الناس ديل كانو مستغلنو، سامر دة انا بعرفو م̷ـــِْن عمري كم اقول ليك؟ دق الحجر عشان يطلع قروش ويأكلهم، ابوي انا الوالدني كان بقارني بيهو، لَـگِنْ ديل م ناس وانا كلمتو لَـگِنْ عمرو م سمع كلامي، كان بقول ديل اخواني هسي لقى منو فيهم؟