الشاهين

٤

بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
ــــــــــــــــــــــــــــــــــــــــ

لغااايه م المغرب اذن حتى جات ناس طلبت، والشغل من اول يوم كان الحمدلله يعني م كويس شديد بس لا بأس به،
واليوم التاني برضو نفس الشي،
كنا بنجهز جزء من حاجاتنا من بالليل،بنمشي الجامعه وبنجي راجعين نجهز نفسنا ونمشي الشغل،
وزودنا بقينا نعمل شيبس وطعميه ومعاهم مخلل وسلطات وكدة،الشغل م ظابط شديد بس قلنا نشكل احتمال نجذب الناس اكتر وجواي كان في حبه يأس لاني قلت اشتغل علشان اظبط موال رسوم السمستر وقدامي كم اسبوع بس قبل م ابوي يعرف 💔

بعد م عدى اسبوع،في يوم فجأ جا زول قال لينا عايز 30 فطيرة اقاشي،
قلته ليهو والله م اظن يلحق معليش،قال لي خلاص م مشكله شكليهم لي جزء اقاشي،وجزء طعميه وشيبس مش في ؟
قلته ليه حتى الفطيرة م حتلحق الا تنتظرني اعملها وكدة اذا عندك وقت

كان زول كبير في العمر
قال لي خلاص م مشكله بنتظر لما تطلع انا في العربيه ديك،
قلته ليه حاضر،
جهزناهم ليهو وشلتهم وديتهم ليهو وفجأة عاينت كانت معاه واحدة بت صغيرة عديل بالنسبه ليهو ومتحننه كان ماسك يدها وبتونسو وبضحكو م̷ـــِْن طريقتهم الكانو عليها مستحيل تكون بتو 💔لما شافني خجل فك يدها قال لي الحساب كم ؟

وريتو ليهو
البت قالت ليـّۓ بالجد الاقاشي حقكم خرافي،اشترت منكم صحبتي ووصفت لي مكانكم ي حلوة❤️🌻💋

قلته ليها تسسلمي بالهنا 🌻
الراجل حاسبني واتحركت خليتهم ،قلت لنفسي 30 دي حيعملو بيها شنوووو ؟؟😷

بس عموما دي كانت ضربه جزاء ياخ، 30 فطيرة حته واحدة نحن م كنا بنبيع في اليوم كلو اكتر من 20 ابداً 💔

والغريبه بعد يومين برضو جا والمرة دي طلب برضو 20 ،قال لي ان شاءالله تكون في وعندكم مشروبات ولٱ لٱ ؟

قلته ليهو والله هحاول اظبطها ليك،لا م عندنا مشروبات والله
قال لي تمام بنتظرك ماشاءالله ي بتي ربنا يوسع في رزقكم،

قلته ليهو امين ي عمو تسسسلم 🙂،

قال لي عندك رقم تلفون عشان تاني لو جاي انبهك قبل م اجي ؟

م ارتحته ليهو وقبل م ارد بالرفض

فجر قالت ليهو ايوة ي عمو هاك سجل : 091

بعد مشى قلته ليها م كان تديه،
قالت لي ي هبله،دة ضربه جزاء كبيرة وممكن يجيب لينا زباين عديل ها 😑

.................

في جانب تاني:

راجع البيت ي مان ولا على وين ؟

اي تعبان ماشي استحمى وارتاح

شارع النيل كيف وكيف ؟
لٱ م قادر والله ي مان م̷ـــِْن هنا والبيت بس