الشاهين

١٣

بسم الله الرحمن الرحيم 

قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل .. 

قراءة ممتعة 

ــــــــــــــــــــــــــــــــــــــــ

قفلت الخط وخلتني حتى التلفون م قادرة انزلو م̷ـــِْن يدي وبحاول استوعب هي كانت بتقول في شنووووو،

بعد 5 دقايق حتى سمعت اسم شهد،شهد

اتلفت لقيتها جمانه،

قالت لي المحاضرة بدت قالو ارح،

فضلت واقفه،

قالت لي يلا مالك ي بت لْـۆ م استعجلنا م بدخلونا يلا ي شهد

قلت ليها ادخلو انتو بلحقكم

قالت لي ماشه وين؟

قلت ليها بصوت عالي جمانه قلت ليك بلحقكم يااالخي 

،مشيت سندته نفسي في بينش كدة وقعدته م حسيت نفسي عايزة ابكي،ابكي ليييهه؟

بقيت استرجع مواقفي معاهو،ماف موقف حلو ويشفع ليهو عِنـ.̷̷̸̷̐ـديّ، في حلقه مفقودة فيهو،

انا على الاقل حبيت اكون واضحه معاهو وحكيت ليهو علشان هو يكون على علم والحاجه دي تجي مِڼـّي انا قبل م تجي م̷ـــِْن اهلي، بس هو ..

قمت على حيلي وطلعت م̷ـــِْن الجامعه،وقفت ساعتين في المواصلات،وصلت البيت لقيت ابوي بصلي وامي جمبو بتفرم في خدرة،وزين نايم جمبها في السرير

قالت لي جيتي ؟

م رديت عليه

قالت لي ي بت م بتسلمي مالك؟

سكتت

قالت لي شهد

رميت ليها الشنطه في الارض وقلت ليها م شهد م اسمي شهد،

امي وقفت البتعمل فيهو وبقت تعاين لي بخلعه كدة لانو م حصل عليت عليها صوتي بالطريقه دي ولا بالغلط

قالت لي بسم •اللّـہ̣̥ ي بتي مالك في شنوووو الفيك شنوووو؟

ابوي سلم وسبح واتلفت بقى يعاين لي

قلت ليهم انا العايزة اسألكم وي ريت تجاوبوني وم تستغبوني عشان انا بقيت كبيرة ومن حقي اعرف،زي م في يوم جيتو وقعدتوني وقلتو لي انتِ م بتنا،هسي انا عايزاكم توروني بنفس العقليه ديك انا بت منو؟ اهلي منو؟ جبتوني م̷ـــِْن وين؟

امي وابوي علامه الإندهاش والصدمه بقت في وشوشهم

قلت بيهم م تسكتو عايزة اعرف هسي هسي انا بت منو، وإلا والله اطلع للشارع الجبتوني منو..