الشاهين

١٠

بسم الله الرحمن الرحيم 

قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل .. 

قراءة ممتعة 

ــــــــــــــــــــــــــــــــــــــــ

لٱ،اصلاً انا م اظن يكفيني اكون صحبك بس..

بعد م قال كدهه حسيت بشلل كلي،وشد اعصاب، عايز يجلطني 

بعد لحظه صمت قلت ليهه م̷ـــِْن غير م احس لييهه بتشرب سجاير؟

قال لي لييهه السؤال خايفه علي؟

قلت ليه بصوت عالي لأ طبعاً اخاف عليك لشنووو،كل الحكايهه انو الحاجه دي م كويسه لْـۆ بتعملها جمب زين خصوصاً انو هو عندو مشكله في التنفس

قال لي لا بعمل حساب لما يكون معي

قلت ليه طيب وسكتت..

قال لي حتنومي؟

سكتت م̷ـــِْن غير رد، لْـۆ قلت ليه ايوة حيقول لي تصبحي على خير وحيقفل،وانا رغم عدم محتوى المكالمة وبرودها م كان جايني إحساس انها تخلص وهو يقفل.. 

قال لي الووو؟

قلت ليه معاك !!ممكن سؤال؟ 

قال لي اتفضلي

قلت ليه ليييهه اخترت تتبنى زين،يعني دي مسؤليه م هينه حتى العندهم وفاتحين بيوت م اظن يتحملوها وبتهربو م̷ـــِْن مسؤلياتهم،انت كيف لقيت نفسك حمل المسؤليه دي مصاريف وغيرو،

قال لي يمكن عشان انا كنت محتاج وجود زين في حياتي اكتر م̷ـــِْن حوجتو لي..

قلت ليه كأنك فسرت الماء بالماء م فهمت 💔

قال لي المهم انا تمام بوجودو في حياتي ❤️

قلت ليه طيب

قال لي انا داخل على البيت خليك معي دقيقه،

قلت ليه لا تصبح على خير 

قفلت منو ونمت وانا بفكر في التناقض الهو فيهو دة،مرة يكلمني برواق ومرة يتنرفز فيني،ومشكلتي في الحالتين احساسي معاه مختلف 

لما صحيت لقيت منو رساله بتقول:

 عندك معي حسابات مفروض اسلمك ليها، اذا م حتطلعي بدري حأكون معاك 8 ونص كدة،

إتصلت عليه م رد 

 طلعت م̷ـــِْن غرفتي لقيت امي بتنضف قالت لي صباح الخير