الشاهين

١٨

بسم الله الرحمن الرحيم 

قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل .. 

قراءة ممتعة 

ــــــــــــــــــــــــــــــــــــــــ

شوفي لي روشته خضراء اخد بيها دواء او جيبي لي انتِ، إتصرفي ي خالتي إتصرفي..

...............

ف جانب ٱڅڑ..

ااااااخ ي سامر اخخخخخخخ ي ولدي،إحساسي بالذنب إني سبب في معاناتك دي عمرو م حأنساه،بعد العمر دة كلو إفتكرت إنو نحن خطينا خطوات بعيدة شديد والباب دة إتقفل وابداً م حيتفتح ولا حيكون ليهو تأثير في حياتك،ابداً م جاني إحساس بالخوف م̷ـــِْن الماضي دة في يوم بس احترامي لرغبتك في انك عايز تخفيه وم عايزو يكو جزء م̷ـــِْن حياتك دة المخوفني عليك منو،خوفك من مواجهتو دة هو السبب في هلاكك حيكون..

............

يمن

ايوة ي سامر

تعالي عايزك برة في الشارع

في الشارع؟ عازمني يعني 🙈

منتظرك.

قبل كل شي كنت لآزٍمٍ اتكلم مع يمن وافهم منها جابت الصورة م̷ـــِْن وين ،عقلي بقول لي قول،وشوف عيني بقول لي قول تاني،

م تمت دقايق جات طالعه كنت لسه م نزلت م̷ـــِْن العربيه،

قالت لي اها؟

قلت ليها رسلتِ لي شهد صور إنتِ؟

قالت لي اي هي طلبت مني صور ليك عشان هتعمل ليك بيهم مفاجأة لعيد ميلادك وكدة اها جابت ليك شنو وريني والنبي والنبي متحمسه اشوفها 😍🌻

قلت ليها تلفونك وين؟

قالت لي في البيت،

قلت ليها امشي جيبيه

قالت لي لشنوووو؟

قلت ليها جيبيه بس

بقت تعاين لي بإستغراب بعدين قالت لي طيب

نزلت م̷ـــِْن العربيه وبقيت متكي في العربيه ومستنيها 

في وقفتي دي جا ماري فيني زول بعربيه والشارع كان فِيَھ مويه ف م حسيت إلا بملابسي وهي ملانه طين ومويه،

رفعت راسي ف إذا بي ارفع راسي اللقى زول ببركن العربيه على بعد خطوات مِڼـّي وبنزل وبعاين لي وبقول: منتظرني اعتذر ليك؟ لمن تبقى راجل اول م لما تكون لابس ملابس الرجال ومتشبه بيهم ساي..