الشاهين

٣٠

بسم الله الرحمن الرحيم 

قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل .. 

قراءة ممتعة 

ــــــــــــــــــــــــــــــــــــــــ

احمد:ممكن نقول انو في ناس عندهم معاه مشڱلھِ وتابعوه ومشو وراه لغايه م وصل البيت وشركو ليه وضربوه بس الحته بتاعه تقريرة الوفاة والتضليل دي بتوقفنا وبترجعنا كم خطوة ورا،شي م بدخل الراس الا اذا كان الحاجه دي حاصله في محيط البيت زي م قلت،و منو الساعدهم في موضوع التقرير دة لأنو دي حاجه محتاجه وساطه م ساي ولا شنوو ي خالي؟

المحامي عبدالله:بالضبط،لَـگِنْ هسي انا متواصل مع وكيل النيابه قالو حيرجعو يحققو في القضيه م̷ـــِْن البدايه ،وبوريني كل المستجدات ان شاءالله المهم من جانبنا نحن في السليم بعد كدة لَـگِنْ برضو بنتابع

ي جماعه ريحو راسكم دة شويه م̷ـــِْن الموضوع دة وخلونا نقوم على الفطور جهز احمد ي ولد قوم على الجماعه ديل بهناك شوف الناقص شنو

احمد:سمح ي حاج

الموضوع م̷ـــِْن البدايه م كان عادي بالنسبه لي وكنت حاسي إنو ليه ابعادو عشان كدة كنت ملتزم الصمت،بس م كنت متوقع انو يكون فِيَھ كل التعقيد دة،

 كل الاستنتاجات بتشير إلى انو خالي دة م مات مقتول لَـگِنْ..

سامر،ي سامر

ايوة.

 ارح ارح ياخ الفطور خلي سرحانك دة 

......................

في جانب ٱڅڑ..

الوووو؟ اي جايه جايه طالعه عليك، ټمـٱمـ م بتأخر، طيب بعد جلسه المكياج دي في شغل؟ زي م قلت ليك انا محتاجه للقروش شديد،لْـۆ في شغل بتاع حمام مغربي ونضافه حواجب واستشوار وحمام زيت ممكن امسكو برضو م عندي مشڱلھ بعد دوام المدرسه ممكن انزل عندك طوالي قبل ارجع البيت حتى ِ، طيب ټمـٱمـ ان شاءالله نتفاهم لما اصل،يلا سلام

وانا طالعه م̷ـــِْن الغرفه لقيت امي وعبدالرحمن اخوي قاعدين بتكلمو:

قال ليك شنو لما جا شال العربيه؟