غروب الروح

غروب الروح ( الفصل الرابع)

الفصل الرابع:
كانت تقبع بأحضان أخيها تبكي في صمت ،قلبها يؤلمها بشدة لم تتوقع ان تتعرض لكذا موقف ، شعرت بأنها رخيصة بسب عنادها

فتح الباب ليتقدم جاد ويجلس على كرسيه
_ليث: ها يا جاد عملت ايه
جاد وهو ينظر لألمى نظرات قاسية
_هعمل ايه يعني يا ليث الولد بالحبس واتصلنا بوالده هنعمل ايه يعني
ليث بغضب شديد انتفضت ألمى من حضنه بسببه
_ يعني ايه يا جاد ، الولد ده يتربى على الي عملو وان محدش رباه اربيه انا واعرفو مقاموا ، واعرفوا ازا يحاول يتعرض لاخت ليث المهدي
_ليث اهدى كدة وافهمني ، الولد متبهدل خالص من ضربك ليه وده لوحده ممكن يعرضك للمسألة
ثم تابع
و الي صار ده ، عادي بالاماكن دي يعني هو عرض عليها ترقص معاه وهي رفضت فحب يعمل نفسو بطل قدام صحابو، وخصوصا انو كان متراهن مع صحابوا على انو يخليها ترقص معاه
ثم تابع بقسوة وغضب
_ مش كدة وبس دا كان متراهن كمان على انو يقدر يقنعها تقضي باقي الليلة معاه ، فطبعا لما رفضت اجبرها بالقوة
صعق ليث من كلام صديقه وصرخ بقوة :
_ انت بتقول ايه يا جاد ، انت فاهم بتقول ايه دي ألمى مش اي حد ، مش حتتة بت يتراهن عليها انا هخليه يدفع ثمن عملتو دي ويعرف هو وقع نفسو مع مين
جاد ببرود قاتل :
_ الاماكن دي ببقى فيها اكتر من كدة ، ده ديسكو مش مطعم ،يعني شباب وبنات بيرقصوا ويشربوا مافيش قوانين بالاماكن دي ، وان كنت عايز تلوم حد فالحد دا اختك ، ايه الي يخليها تروح هيك اماكن ، دي اماكن مشبوهة ، والحمد الله الامور تمت السيطرة عليها والصحافة ما شمتش خبر كان الخبر نزل بكل الجرايد وكانت الفضحية بجلاجل

صعقت ألمى من كلامه ومن تلميحاته فردة عليه بقوة
_انا كنت بحتفل مع صحابي يا حضرة الرائد وما تحركتش من مكاني هو الي جه واتعرضلي وانا حاولت امنعو بس هو شدني بالقوة ، ومش ذنبي ازا حضرتو مش محترم
غضب جاد من ردها فقال لها بصوتآ عالي
_ لا يا انسة ألمى الذنب ذنبك انتي ، وان كان في حد غلطان فهو انتي ، طريقة لبسك وميك الاب الاوفر بتاعك اعطاه انطباع سيئ ، كان فاكرك زيك زي اي بنت من الي بشتغلو هناك علشان يبسطو الزباين ، شايفة ازاي لبسك اعطى انطباع سيئ للناس عنك ، حابة اجبهولك وتسمعيه وهو بوصف فيكي وبجمالك.
صرخ ليث بجاد وامسكه من قميصه
_ جاد انت اتجننت ، الي بتتكلم عليها دي اختي ، انت واعي للكلام الي بتقوله
ابعد جاد يد صديقه وقال له بحرقة
_ ايوة واعي يا صاحبي وعارف انا بقول ايه ، الولد زيو زي غيروا بروح ع الاماكن دي علشان ينبسط، وهو متعود الي تعجبو يرحلها ويرقص معاها ،بعد كدة ...
ولا أقلك مفيش داعي اقلك بعدها بيحصل ايه ، انت اكتر واحد بتعرف بعد السهر ايه الي بيحصل

لم يتمالك ليث كلام جاد فلكمه بوجهه بقوة ، كان جاد مستسلم له ولم يقاوم صديقه ،توقف ليث عن لكم صديقه حين سمع صوت بكاء اخته وهي تحاول ابعاده عن صديقه
ألمى ببكاء هستيري
_ ليث أرجوكي كفاية كفاية
احتضنها ليث و حاول تهدئتها
_ اهدي يا قلبي خلاص اهدي
_انا عايزة اروح
_حاضر يا قلبي هروحك
نظر لصديقه القابع على كرسيه وقال :
_حقي أختي انا هجيبه بنفسي يا حضرة الرائد عن ازنك
امسك باخته وخرج ، اما جاد ابتسم بالم وقال:
_عمرك ما تتغير يا صاحبي