غروب الروح

غروب الروح( بقلمي الشيماء💐💐)

الفصل الخامس والعشرون 💐💐:

كانت تقف على الباب وهي متوترة كان يجدر بها اخبار ليث .. ماذا عساها تفعل ان علم ليث قد يغضب.. أخذت نفسآ قويآ ثم طرقت الباب .. فتح الباب ... نظر لها صابر بخبث وقال:
_ مدام سلمى نورتي
نظرت له بكره ثم دفعته بقوة ودخلت تبحث عن اختها
_ حياة انتي فين يا حبيبتي
خرجت اختها من احدى الغرف
_ ابلة سلمى
حضنتها سلمى بقوة وقالت:
_ انتي كويسة يا حبيبتي
_ انا مش مصدقة انك موجودة انتي وحشتيني اوي يا ابلة
نظرت لها سلمى بدموع وأصبحت تنظر الى ملامحها الذى يبدوا عليه الارهاق
_ انتي تعبانة يا قلبي وشك اصفر ليه قوليلي يا حبيبتي انتي كويسة صح
_ انا كويسة والله انتي وحشتيني اوي اوي
امسكت يدها وجلستا على الأريكة وقالت:
_ الحمد الله اني شفتك ان كنت قلقانة عليكي اوي
تقدم صابر منهم وقال:
_وتقلقي عليها ليه وهي مع ابوها
نظرت له سلمى بغضب وقالت:
_حياة سبيني شوية مع ابوكي ينفع يا قلبي
نظرت لها حياة بريبة وقالت انتي هتسبينا تاني
_ يا حبيبتي اطمني انا مش هسيبك اطمني بس عاوزة اتكلم مع ابوكي شوية
أمأت رأسها وغادرت المكان ،جلس صابر مقابل سلمى وقال:
_ مين يصدق انك تجوزي باشا كبير زي ليث المهدي
نظرت له باستحقار وقالت:
_ انت ليك عين تتكلم بعد الي عملتو
_ وانا عملت ايه
_ اما بجح بصحيح ..
_ بقلك ايه مش علشان اتجوزتي ابن المهدي يبقا تطولي لسانك
_ انا مش فاهمة انت ليك عين تتكلم بعد الي عملتو
_ انا معملتش حاجة الواد حمدي بفتري عليا
_ علشان كدا هربت
_ انا هربت لما البوليس جه فأنا خفت وهربت
_ بقلك ايه يا صابر انت لا تقدري تقنعني وانا مش هصدقك فقلي عاوز مني ايه
_ مش عاوز حياة الي عاوزة
نظرة له بقلق وقالت:
_ مش فاهمة تقصد ايه
_ حياة قلبها تعب اوي ولو معملتش العملية هتموت وانتي ما شاء الله متجوزة سيد الرجالة يعني تقدري تساعديها
_ انا اساسا مش هسبها ليك ... حياة هتيجي معاية
_ يبقى نتفق
_ عاوز ايه
_ فلوس
_ طول عمرك خسيس
_ انا عاوز اطلع برة البلد ومحتاج فلوس علشان اقدر اطلع
_ تمام هحاول ادبر بس حياة هتيجي معاية
_ مش دلوقتي .. انتي هتقولي ايه لجوزك لما يشفها معاكلي
_انا هقلكوا كل حاجة
ارتبك صابر وقال :
_لأ
_لأ ايه
_ مش دلوقتي خليني احاول أبرأ نفسي الاول بعدين تقوليله وبعد كدا تاخدي حياة
_انا مقدرش اخبي عليه اني شفتك
_ وهو هيعرف ازاي .. اسبوع واحد وانا بوعدك كل حاجة هتنهي
_ اسمعني دي فرصتك الاخيرة يعني انا مش هخبي ع ليث اكتر من كدة
_ تقلقيش
نظرت له نظرة أخيرة ثم اتجهت لرؤية اختها اما ذلك الخبيث نظر لاثارها وقال:
_ اسبوع واحد وترتمي بالشارع يا بنت الغامري ههههههههه

*********************
(بقلمي الشيماء💐💐)

منذ ليلة امس لم تذق طعم النوم تشعر بألم برأسها يفتك بها ... لقد اقلق منامها بحديث الساخط ذلك المتكبر من يعتقد نفسه
_ صباح الخير
_صباح النور يا فندم
ابتسم لها عاصي وقال:
_ مالك شكلك تعبانة
_ ابدآ شوية صداع مش اكتر
_ عموما لو تعبانة تقدري تاخدي اليوم اجازة
_ لا ااناااا مش تعبانة مفيش داعي
_ براحتك ... يا ريت تخليهم يجبولي القهوة
ابتسمت بوجه ابتسامة مصطنعة وقالت:
_ تحت امرك يا فندم
بعد مغادرته جلست على مكتبها بارهاق ، وبدأت تفكر هل من المعقول ان يكون عاصي بهذا السوء كما يقول ادم .
بدأت تتذكر ما حدث ليلة امس