ابتسم أوي _بجد بتحبيني
ضحكت_آة والله زي اخويا
بصي ليا بصدمة_أي...
ضحكت بشدة_بهزر يل خلف بهزر
_....
_بحبك من زمان أوي ولما سافرنا كنت حزينة جدا وكنت بعرف عنك كل حاجة أيوة كنت بعرف كنت سعيدة لما عرفت انك نجحت وبدأت تحقق كل أحلامنا مش أحلامك هااا
ابتسم_هتردي علي عمي امتي
_بعد سنه
ببرود_إمشي
_نعم ياخويا
_إمشي يا منة
_لا إنت نسيت نفسك دا إنت
إتعصب_قومي
جريت وأنا بضحك
"ما أنا مش مصدقة أنه طلع بيحبني دا كان أكبر حلم في حياتي آة من زمان ماتكلمناش بس أنا إرتحت معاه روحت أوضتي وسمعت الست صوتها بيريح قلبي أوي
كانت بتقول
"هو صحيح الهوا غلاب ما أعرفش أنا
والهجر قالوا مرار وعذاب واليوم بسنة...
جاني الهوا من غير مواعيد وكل مادا حلاوته بيزيد "
ياهه فعلا الهوا غلاب أوي اللي بيحب دا علي قد ما بيكون اكتر واحد بيطير من السعادة علي قد ما بيكون أكتر واحد بيخاف الهجران..لما الست قالت والهجر قالوا مرار ضحكت قد أي دا مرار ومرار ومرار كمان مرة اليوم في البعد مبيعديش بحسه سنة "
تاني يوم كنت نايمة مش قادرة أنزل اة والله هنزل إزاي بعد اللي هببته إمبارح دا وياريته بيتهد دا كل شوية يجي قدام اوضتي ويتكلم ويضحك بصوت عالي كنت هموت وأعطيه بالبوكس في وشه مش حرام لا
كنت بعمل تمارين في أوضتي لما الباب خبط ودخل نوح
_مش ناوية تنزلي؟
_تؤتؤ
_حصل أي طيب؟
ضحكت_لا محصلش حاجة يا حبيبي
_طيب يلا عشان تنزلي
_هتمرن
_عشر دقايق وتكوني تحت
_بس ....
_هيبقوا تسعة وإلبسي هدوم خروج
_ليه طيب؟
_بقوا تمانية وإن منزلتيش هطلع أشيل وأمشي
خرج من الأوضة وأنا جريت ألبس ماهو والله يعملها قبل كدا عملها وإشتالني ونزلت الشارع وأنا كنت لسه بلف في الطرحة
لبست درس أسود وطرحة بيضا وشوز أبيض وأخدت فوني وعشان أعرف أجري قلعت الشوز وأخدته في إيدي ونزلت جري وأنا بجري لبست في حد الله ياخده أي دا مراد الله لا ياخده دا حبيبي دا
قمت بسرعة وقلت بتوتر_اااه ضهري هيموتني
ضحك وقالي _آة أي منك لله هو فيه حد بيجري علي السلم
بصيت للساعة وجريت من غير ما أرد ولسه بخرج من الباب لقيت نوح في وشي وخبطت فيه ونزلت علي ضهري
_اااااااة منكم لله منكم لله منكم لله كلكم
سمعت صوت ضحك مراد العالي بصيتله بغضب
ولقيت نوح بيضحك وقالي _إنجزي
قمت وخرجنا ولفينا بالعربية وسمعني أم كلثوم وجابلي قهوة وضحكنا كتير وبعد كدا روحنا تاني وأنا نازلة من العربية
_منة
لفيت له بإبتسامة _عيونها
_إستني
فتح شنطة العربية وخرج منها شنط كتير وقرب مني وقال_حسيتك زعلانة قولت أصالحك
ضميته جامد ودمعت_ أنا بحبك جدا أوعي تبعد عني في أي يوم
إبتسم وباس جبيني_ عمري ما هبعد
أنت تقرأ
اسكريبتاتي 💛
Umorismoلطف ما بين السطور يوجد هنا'💙 هنا قلبي💙 هنا مراده💙 حكاوي المراد💙 #منة_محمد_أسيف
