ممكن أعرف أي اللي بيحصل هنا؟
_إهدي يا أسيف بس.
_أنت عايزني أهدا يا نوح،لما عايزني أهدا خالتني أجي من البيت جري ليه ها، وبتقولي الدنيا مقلوبة ليه، وبيقولي إهدي في أي انجز؟
قال بسرعة _رئيس التحرير أمر بإلغاء التقرير بتاعك.
إتعصبت جداً وصوتي بدأ يعلي:نعم هو في مكتبه؟
"انا إتعصبت جداً لأن أول مرة منذ دخولي للجريدة رئيس التحرير يؤمر بإلغاء التقرير بتاعتي، أنا هنا من تلات سنين من أول لما إتخرجت، طول مدة شغلي هنا متحذفش ليا ولا تقرير بس مش عارفة أي اللي حصل "
مشيت قبل أما أسمع رد نوح صديقي المقرب هنا في الجريدة وإتجهت لمكتب رئيس التحرير وفتحت الباب من غير إذن ودخلت بعصبية كبيرة وضربت علي المكتب بإيديا _ممكن أفهم أي اللي بيحصل هنا أنت إزاي تؤمر بإلغاء تقريري يا فندم؟
رد عليّ _مش عاجبني
بكل برود الدنيا بيقولي مش عاجبني، ولأنه أكبر من ولدي ف دا اللي منعني إني أفقع عيونه بجد عشان ميشوفش أي تقرير بعد كده
فكمل كلامه: وبعدين إنتِ بتتدخلي في حاجات ملكش خصوصية فيها.
إستغربت الصوت لأن دا مش صوت مستر بلال رئيس التحرير
فقلت له ببرود: كنت كتبت عن حياتك الشخصية عشان تقولي حاجات مليش فيها خصوصية مثلا.
لف بالكرسي بتاعه وياريته ما لف
دا زي ما عمرو دياب بيقول "يا ساحر عينيك قمر طالع طالل علينا يا مزغلل عيوني أنا بالذات حرام عليك "
وقال: أولا دي مش طريقة تتكلمي بيها وبجد هعقبك علي قلة ذوقك تمام.
ثانيا ممكن أعرف إنتِ إزاي تغلطي في ناس كبيرة في الدولة كدا؟
إبتسمت: أغلط مغلطش دا مش مبرر لانك تؤمر بإلغاء تقريري، وبعدين أنت مين أصلا فين مستر بلال.
بدات يضرب بضوافره علي المكتب: إتنازل عن الإدارة ليا ويلا يا شطورة من هنا عشان ورايا شغل كتير.
_التقرير يا إسمك إيه، التقرير، أنا طول عمري ما إتحذف ليا تقرير، تيجي تحذفه في أول يوم.
ضحك وياريته ما ضحك_مش أنا حذفت يبقي فيه
=في أي يا ولاد؟
إبتسمت_مستر بلال.
إبتسم_أخبارك أي يا أسيف يا حبيبتي
ضغطت علي إيدي _ممكن أفهم يا مستر بلال، إزاي الكائن دا يؤمر بإلغاء التقرير بتاعتي، أنت إمبارح قولت أنه يتنشر.
رفع حاجبه: في أي يا مراد تقرير أسيف لازم يتنشر
_بس يا بابا؟
رفع إيده: لازم يتنشر قولت
هز رأسه وقال: تمام بس هنقلها في قسم الرياضة بعد كدا.
إبتسمت وقلت _قسم الرياضة
بس فرحتي مكملتش
عشان مستر بلال إتصدم وقال _لا قسم الرياضة وأسيف لا.
قال بعناد_أنا قولت اللي عندي.
ضحكت وقلت _تمام أوي يا مستر مراد من بكرا الصبح هبقي موجودة عن إذنكم
وهمست لمستر بلال وأنا خارجة: شكل الواد إبنك جاي علينا بمكسب.
فبص ليا بنص عين فضحكت وخرجت.
"ما أنا كنت بسَبب خساير كتير للجريدة بسبب قسم الرياضة، لإني متعصبة كورة لا محالة ومستر بلال حولني بعد عذاب"
أنت تقرأ
اسكريبتاتي 💛
Humorلطف ما بين السطور يوجد هنا'💙 هنا قلبي💙 هنا مراده💙 حكاوي المراد💙 #منة_محمد_أسيف
