اسكريبتاتي 💛

4

بحبك من وانتي ف اللفة بحب ضحكتك وجمالها بحب طيبة قلبك الحلوة دي بحبك من وانتي بتكبري قدامي "

_يا ماما..
_خير يا بنتي فيه اي؟
_وهيجي منين الخير يا ماما.
_فيه أي يا  بنتي
_ممكن تقولي لبابا إني مش راحة معاه البلد
_روحي قوليله
اتعصبت_اروح مروحش ليه
_ها جهزتوا شنطكم
_بابا انا مش هاجي
_لا هتيجي يا منة
_والتمرين يا بابا
_اتمرني هناك
_والبطولة
_هتيجي تلعبيها عادي
_طب هنروح ليه
_دا بابا يا منة
_انت قولت اهو دا باباك انت مش انا
بصلي_منة
_مبحبش اروح هناك بالله
_وهتروحي

"نسيت اعرفكم بنفسي انا منة عندي 21 سنة الفرقة الرابعة هندسة وبطلةالجمهورية ملاكمة
عندي أخ نوح اكبر مني ب3سنين لاعب ملاكمة بردوه "

"تاني يوم وصلنا هناك "
_انزلي
_روحنااااااي
_منة
_نزلت يا بابا نزلت
_اهلا بيكم يا إبني
_اهلا بحضرتك يا بابا
وهمس لي_سلمِ علي جدك يا منة

اتوترت "ما انا مجاتش هنا من 10سنين ومبحبش اجي هنا المكان هنا مش بيريحني انا بحب بيتنا انا مطبقة في الإسكندرية اجي هنا ليه اصحابي واخويا هناك وتماريني هناك ومبسوطين هناك نيجي هنا ليه"

_منة؟
قربت منه وسلمت عليه_اهلا بحضرتك يا جدي
حضني بحنية كبيرة طمن قلبي من جوا اوي_البيت نور بيكي يا حبة عيني
ابتسمت_منور ب ناسه يا جدي
_اتفضلوا اتفضلوا يادي النور
"دخلنا البيت من جوا كأننا دخلنا الجنة البيت فيه ريحة الطيبة والحنان "
_معلش ممكن تودوني اوضتي ارتاح شوية
_طبعا يبنتي طبعا يا سنية تعالي وصلي الهانم لاوضتها

"طلعت اوضتي ونمت معرفش صحيت أمتي لبست دِرس ابيض وطرحة رصاصي عليه ونزلت كانت العيلة كلها متجمعة وجدي عرفني عليهم"

_بصي يا منة دي علياء وأخت مراد ودي مريم وأخت يونس ويونس ومراد دول من سن نوح
_اة اهلا بيكم
علياء حضنتني وابتسمت_نورتي
ابتسمت _بنورك يا حبيبتي
مريم بإبتسامة:اهلا
ابتسمت _اهلا

"انا مش عارفة اقعد هنا الناس كلها طيبة وقلبها طيب بس انا عايزة نوح انا معرفش أعيش من غير نُوح "

_اهلا يا عمي نورت
_دا بنورك يا حبيبي
همست لعلياء _مين دا
ضحكت_دا ابيه مراد
همست _مراد
_متجمعين عند النبي ان شاء الله
_ يونس؟
_منة، بتعملي ايه هنا يبطل؟
ضحكت_انت اللي بتعمل اي هنا
جدي ابتسم_انتوا تعرفوا بعض
_ايوة
مراد ببرود_ازاي
يونس ضحك_في الجيم
جدي بابتسامة_ دي منة بنت عمك محمد ودا يونس ابن عمك يوسف
احنا الاتنين_بتهزر
مراد باستغراب_تعرفها من الجيم ازاي
_اصلها بطلة الجمهورية في الملاكمة
ضحكت وجريت حضنته_ وحشتني قد البحر وسمكاته يا نُوح
باس جبيني وابتسم_وانتي اكتر يا نور عيني

بعد اسبوعين

_وانتي يا علياء كتب الكتاب أمتي؟
_كتب الكتاب اي هو احنا اتخطبنا اصلا؟
_لا متهزريش!
_بتكلم جد.
_لا انا ماشية راحة اشوف الولد لاحسن هفرقع.
_لمين يا أختي؟
_نوح لنوح

"خرجت لقيته قاعد لوحده حزين كالعادة قربت منه بهدوء ومسكت ايده وقلت

_فترة وهتعدي الموضوع صعب بس عارفة انك قدها
ضمني وقال_تعبت مش راضية تعدي يا منة مش راضية تعدي
_وما صبرك الا بالله انا عارفة ان نور كانت طيبة وانت كنت بتحبها بس دا قدر وهي متستاهلش الا الدعاء حاول تدعي، دا حياتك لسه ف الاول متوقفهاش
_انا بحبك اوي اوي
_مش اكتر مني اقسم بالله
ضمني اوي واتنهد _انا قايم اصلي
_اتفضل ي روحي

"قام مشي وبعدها بابا اجه قعد جانبي
-انا مش عارف من غيرك كنا عيشنا ازاي ربنا يديمكم سند لبعض يا حبيبتي
_ويديمك لينا يا غالي

" الساعة 10 كدا الكل كان نام ونزلت اخدت قهوتي وطلعت علي سطح البيت

_بتعملي ايه هنا
اتخضيت_م مراد
ضحك_هو فيه بطل بيخاف
ضحكت وقعدت قصاده_مش شرط
_كنتي بترفضي تيجي هنا ليه
اتوترت_اا اصل
_ها
_كنت بركز في مستقبلي وتماريني
_لا يا راجل
_اا ااة
ضحك وقالي _بتدرسي اي دلوقت
_الفرقة الرابعة هندسة
_اي دا بجد؟
_ايوة شوف ازاي الحمدلله حققت كل احلامي الا حلم وانت
_خلصت هندسة حلمنا ها حلمناا وفتحت شركتي ولسه ليا حلم بس اي احلامك دي
_بص انا دخلت هندسة تمام واخدت بطلة الجمهورية في الملاكمة ولسة هشارك كمان شهرين في بطولة القارة الأفريقية للشباب ان شاء الله
_انتي قدها وقدود
_ان شاء الله
_منة
_امم
_انا كلمت عمي
_وهو انت كنت مخاصمه
_لا حول ولا قوة الا بالله فوقي يا بنتي
_في اي
_انا كلمته عشان نكتب الكتاب
_طب والله لاقين علي بعض وكنت عارفة
_هو اي
_البت  دي بنت حلال وهتسد غيبتك
_بنت مين
_مريم
_بت بت فوقي، أنا كلمت أبوكِ إنتِ عشان أتجوزك إنتِ
_ومال....نعم ياخويا
_أي
_أنا مش موافقة
_هتوفقي
_بالله هتاخد بالبوكس
_بحبك من وانتي ف اللفة بحب ضحكتك وجمالها بحب طيبة قلبك الحلوة دي بحبك من وانتي بتكبري قدامي بس لما سافرتوا زعلت جدا وفضلت مصمم انك تكوني مراتي.... تتجوزني"
_ما توحد الله كدا حيالك
_انتي فصيلة يبت
_جدا
_وباردة
_مقولكش
_و..وو
_وبحبك

"من جوف الليل الي قلوبكم..💛
#منة_فودة
#ليل_هانم