اسكريبتاتي 💛

3

_مش عارفة ي مسعد لازم يعني احضر معاك الفرح دا..؟
_ايوة لازم ي منة وبعدين مش هنطول انا عارف انك مش بتحبي الأفراح أصلا
_طيب ليه بقي..؟
_هو اي اللي ليه بقي...؟
_ انك عارف واخدنِي معاك ليه ...؟
ضحك وقالي:الفرح كله هيبقي أغاني لعمرو دياب .
_بتهزر ..؟
_لا والله.
جريت بسرعة _ثواني وهكون جاهزة فوريرة .
ضحك _مجنونة..

"انا فعلا مجنونة بس مش الجنون التاني انا مجنونة بأغاني عمرو دياب جدا انا عمرو دياب عندي ف كافة والباقي في كافة"

_ احنا قدام قاعة الفرح اهو....
_ثواني وهوصل ي ابني خلاص ...
_يووه اقفل يالا دا انت رخم.
_هاا ي مسعد..؟
_وصلنا ي ست منة .

_اعمل حسابك آخر فرح هحضره معاك مش عشان حضرتك ظابط وكل شوية اصحابك واحد منهم يتجوز تاخدني معاك دول بيعملوا أفراحهم كلاسيكي ي ابني.
_امال انتي عايزها ازاي..؟
_شعبي..مالها الشعبي والله الأفراح اللي البت زُوز بتاخدني ليها كلها عاااال .
_اخرسي ي منة وقدامي يلا ...
_طب م تتجوز ي مسعد ي روحي ...؟
_قدامي
_اسمع مني..
_اخرسي ي منة بدل لما تاخدي بالقفا والله ..
_وعلي اي ي ابو الكباتن الاحترام حلو ...

"انا ومسعد علاقتنا مجنونة شوية لا مش شوية هي مجنونة كليا مش زي علاقة اي اتنين اخوات ابدا دي علاقة عبيطة اوي علي الرغم من خناقنا طول الوقت بس محبتش في الدنيا زيه"

_ثواني هرد علي الفون واجيلك .
_متتاخريش ومتبعديش اوي خاليكِ قدام عنينا .
_حاضر .
_اهلا ي حضرة الرائد مسعد..
_اهلا ي مراد اخبارك ايه ..؟
_انا الحمدلله تمام وانتَ اخبارك ايه ..؟
_انا والله تمام..
_انا جيت .
بااس جبيني وابتسم_نورتي ي ست البناات ..
_هو حضرتك اتجوزت؟
_لا دي اختي .
ضحك_اهلا بحضرتك .
اتوترت_اهلا بيك ..

"مش عارفه اتوترت ليه ممكن من نظراته اللي كانت متثبته عليا او من ضحكتة الحلوة اللي مشوفتش زيها ولا عمري هشوف اول لما ضحك غمازته بانت عنده غمازة واحدة ف وجنته الشمال وعيونه السواد الجميلة كأنها حته م الليل وشعره الاسود الاوي بجد تبارك الرحمن يعني وعلفكرة القميص الابيض كان هيبقي احلي م الاسود بكتير "
وطبعا كل دا وانا ببص بطرف عيني ومركزتش معاه وهو مين عشان أركز معاه وطبعا ركزت في الفرح دا الاكيد عشان اغاني عمورة طبعا

_مش يلا بقي ي ست البناات نبارك ونمشي..؟
_يلا ي حبيبي.
باركنا للعروسين ومشينا .

بعدها بأسبوع ....

_لا ي حبيبي انا طالعة البيت اهو ..
_هتاخر فين انا وصلت ..
_تمام ماشي ي مسعد ..
_في امان الله..

"كان عندي صداع رهيب ومش شايفة قدامي بس فيه واحد غبي خبط فيا كان هيخليني امسح السلم كله الله يبارك له "

_انا اسف ي ابلة ..
_ابلة ..؟
_اي دا هو انتي..؟
_افندم ؟
_مش فاكرني؟
_لا مش فاكرة.

"طبعا بكذب لأني مش طايقة نفسي ومسعد هيعمل مني بطاطس محمرة..منها لله زوز هي السبب منها لله.."

=وبعدين ابقي بص وانت ماشي بدل ما انت ماشي تدوس علي خلق الله كدا. وطلعت بيتنا قبل ما اسمع الرد لاني متاخرة وخايفة فتحت باب البيت لقيت مسعد عصبي اوي
_ممكن اعرف انتِ فين كل دا.؟
_طبعا لو حلفت ليك اني كنت ف المحاضرات مش هتصدقني ..
_منننة .؟
_والله ي جدع..
_جدع..؟
_متركزش ربنا يخليك ..
_مننة
_عيونها
_إمشي من وشي
_هاا
_إمشي
_حاضر

الباب دق روحت افتح وكان هو

"والله لو قاصد يجي وانا متبهدلة ماهو عاملها عايز اي دا كمان بلاش قرف بحلاوته دي.."

_ممكن سكر ي سُكر..؟
_افندم ..!
_عايز سكر.
_مسعد ..
_نعم ..؟
_شوف الأستاذ عايز اي..؟
_مراد اتفضل ..
_مسعد باشا انا كنت بنقل جانبكوا هناا وكدا فكنت طالب سكر بس لوقت أما اضبط الدنيا..
_اكيد اتفضل ..

_وهتعملي اي ي زُوز ..؟
_مش عارفة ي منة انا دلوقتي همشي وهقولك هعمل اي
_تمام وابقي طمنينى تمام..
_اكيد..
زوز مشت وكُنت منسجمة جدا مع اغنية عمرو اللي اشتغلت فجأة
"من كام سنة وانا ميال ميال وفي حبك انا مشغول البال"

فجأة لقيته بيقعد مكان الزهراء وهو بيقول:
"لا بتتكلمي ولا بتسلمي ليه كل يومين بلاقيكي ف حال طب دا أنا ميال"

*كان نفسي اضحك موت بس رديت ببرود معرفش جالي منين*
_افندم ..؟
_ممكن تبطلي طريقة كلام اخوكي دي..
_اولا عاجبني
=ثانيا مالها الطريقة
=ثالثا وانت مالك اصلا

_اولا مش حلوة
=ثانيا متلقش علي قمورة زيك كدا يقمورة
=ثالثا بقي طبعا مالي امال مال مين
_هو حضرتك جاي تعمل شو وماشي

"انا مش عارفة انا الجرأة دي كلها جايلي منين دا شكله لوحدة يوتر اي حد عاقل ما بالكم بمنة"

_تؤتؤ ..
_طب اتفضل امشي.
_تؤتؤ .
_تؤتؤ في عينيك ...
اخد القهوة بتاعي وشرب منها بكل برود عصبني وقال_كدا عيب ي ست البناات ..
_انت بتستعبط انت ازاي تعمل كدا..؟
_بحب القهوة جدا..
_محدش سألك.
_بس لازم تعرفي لانك هتعمليها دايما ..
_والبيعد مفيش له ايدين...؟
_تؤتؤ بحبها منك..
_هو حد قالك اني بعمل قهوة ..؟
_لو مبتعرفيش هعملك عادي..
_بتشرب من قهوتي ليه؟
_كدا مزاجي ..
عمرو دياب اشتغل وكان بيقول" انتَ مغرور انتِ معدوم الشعور انتَ زي الزينة ديكور "

ابتسمت وقلت_سمعت عمور قال عنك اي..؟
ضحك وقالي_بحب عمرو جدا.
_.....
_وبحب احضر اي فرح عمرو بيشتغل فيه
_.....
_وبحبك
_....
_ومسعد واقف علي خطوبتنا
_نعم ياخويا ...
_تعرفي عمرو قال في المواقف دي اي
_قال اي
*م انا بضعف قدام اي حاجة تخص عمرو دياب الصراحة*
_قال"معاك قلبي معاك روحي ي اغلي حبيب ي اغلي حبيب... ومهما تكون بعيد عني لقلبي قريب... ي عمري الجاي والحاضر ي احلي نصيب"
وما الحب سوي دعاء كل حبيب للاخر بظاهر الغيب علي ان يجمعهما الله سويا

#منة_فودة

#حكاوي_ظباط