اسكريبتاتي 💛

13

_بس مراد ابن عمك.
مسكت رأسي وأنا بقول بنبرة شبة هادية: مقدرش صدقني.
قرب مني وهو بيقول بحنان: فيه حد في حياتك طيب!
إبتسمت وانا ببصله: حد أي كمان هي كانت ناقصة يا أخي؟..
قال بجدية: يا ملاك عمي مصمم علي مراد.
رفعت له حاجبي بعصبية : يعني أي هاا؟
حط إيده علي كتفي بهدوء: إهدي بس يا ملاك..
مسكت رأسي بتعب وأنا حاسة إني إكتفيت تعب...: أهدي إزاي يا سليم؟
-اللي عندي قولته سامعة يا ملاك

كان صوت بابا وهو بيتكلم فرفعت وشي له كان واقف بعيد عننا نسبيا

قلت له بهدوء: بس يا بابا..
إتعصب وهو بيبصلي: مفيش بس أنا هبقي متطمن عليكِ معاه..

'سبتهم وخرجت من البيت كله لجئت لمكاني المفضل ساحة الملاكمة.. أنا عارفة إن بابا خايف علىّ عشان تجربة يونس اللي عشتها وعايز يخرجني منها بأي طريقة حتي لو هيجبرني علي الجواز من أي شخص تاني..

يونس كان منافس معايا ف بطولة الشباب إتعرفت عليه هناك وحبيته وهو حبني أو زي ما ضحك علىّ وقالي كدا أو يمكن حبني مش عارفة، فضل متابعني لحد لما حبيته، في مرة طلب مني رقم بابا وكتبتهوله ومشيت وبعدها عرفت أنه إتقدملي... بابا كان رافضه وكان شايف إني أستاهل اللي أحسن منه بكتير، اتخطبنا وفضلنا سوا سنة وبعدها بدأت تحصل مشاكل بينا لحد أما إنفصلنا

=ملاك كل دا بستناكِ
قعدت قدامه بإبتسامة: حقك علىّ يا يونس بس كان التمرين طويل إنهاردة يا حبيبي.
بصلي بنظرة غريبة: صح كنت عايز أتكلم معاكِ في موضوع التمرين دا يا ملاك.
بصيتله بإهتمام كبير: كُلي أُذن صاغية.
إبتسم وبعدين ملامحه إتحولت لجدية: إحنا فرحنا كمان شهرين يا ملاك صح؟
هزيت رأسي بإبتسامة
_هتعرفي تهتمي بيا وببيتنا وبالملاكمة إزاي.؟
رفعت حاجبي: وضح أكتر؟
مسك إيدي: يا روحي مش إنتِ لازم تهتمي بيا وببيتنا صح؟
هزيت رأسي بقلق فكمل: يعني مش هتقدري تقومي بكدا وخصوصا وإنتِ مكاملة لعب ملاكمة يا حبيبي المهمة هتبقي صعبة عليكِ فـ أنا بقول كدا عشان تعرفي تضبطي الدنيا.
_قصدك إني مش هعرف أقوم بجواباتي ولا أي؟
إبتسم: لا مش قصدي بس قصدي إنك مش هتعرفي تعدلي بين بيتك وجوزك وبين الملامكة
رفعت حاجبي: أيوة وبعدين؟
_عايزك تبطلي ملامكة.
سحبت إيدي بسرعة: إنت بتهزر؟
هز رأسه بمعني لا فعليت صوتي : أنت مستحيل تكون كويس إنت بالذات عارف اللعبة دي مهمة ليا إزاي وبكل برود جاي تقولي بطليها إنت متخيل أنا ممكن أعمل إيه... ممكن أعمل آي حاجة في الدنيا إلا إني ابطل ألعب ملاكمة يا يونس أنا ممكن أعمل أي حاجة في الدنيا إلا إني أبطل ألعبها فاهم؟
_ولو قولتيلك يا أنا يا الملاكمة هتعملي إيه؟
بصيتله بصدمة: بتهزر؟
هز رأسه بمعني لا تاني فإبتسمت: هختارك إنت طبعا
إبتسم: بجد؟
هزيت رأسي وأنا بقلع دبلته: دا اللي كنت عايز تسمعه صح..؟
إني أفضلك علي الملاكمة؟
بس أنا معنديش أغلي منها غير عيلتي بس، إتفضل دبلتك يا يونس..