اسكريبتاتي 💛

6

قال بهدوء شديد_إعقلي كدا
رفعت حاجبي_أعقل.. أنت اللي بتقول كدا؟
_يا أسيف إفهمني.
قلت بعصبية: أفهمك...؟ أفهم أي يا أحمد أفهم إنك بعد كل اللي عملته فيا بتقولي أعقل؟
قال ببرود_عملت إيه؟
إبتسمت بإستفزاز _معرفش، إسأل نفسك وخلعت الدبلة من إيدي وسبته ومشيت

"كان حب أربع سنين وإنتهت بخطوبة بقالنا ست شهور مخطوبين بس إتغير كان في الأول بيدعمني إني أكمل في الكتابة، ماهو أنا كاتبة بس بعد الخطوبة إتغير وعايزني أبطل كتابة، قال إيه.. دا حاجة ملهاش لازمة يعني أي تكتبي أي كلمتين والناس تتجمع حواليكِ؟ أنا مسمحش لأي شخص يتجمع حوليكِ.
وأنا بقي مسمحش لأي شخص يهد حلمي مين ما كان"

رجعت البيت لاقيت أمي قاعدة وجانبها نوح
أول لما لمحتني قالت بعصبية_ممكن أعرف إنتِ هببتي إيه؟
نوح قالها: يا أمي هي حرة دي حياتها هي، هو إحنا اللي هنعيش معاه ولا هي؟
قالت بعصبيةأكبر: يعني إيه حياتها؟ ها يعني إيه؟
رديت بتعب_ماما ياريت منتكلمش في الموضوع دا
نوح شاولي بهدوء_إتفضلي إدخلي إرتاحي إنتِ يا أسيف.
هزيت رأسي_عن إذنكم.

*بعد كام شهر رجعت لحياتي الأوليمنة،أسيف الحرة اللي محدش يهمها *
_يعني إنتِ هتنزلي المعرض إمتي؟
إبتسمت: علي حسب الكتاب لما يخلص.
-لو سمحتي حضرتك أسيف؟
هزيت رأسي_أيوة.
إبتسم_ممكن توقعيلي علي الكتاب دا
إتوترت_اا...أكيد
أخدت منه الكتاب وببص عليه لقيته كتابي الأول
إبتسمت: دا كتابي الأول
هز رأسه_أيوة عارف أنا كتاب بحبه فحبيت يكون توقيعك الشخصي عليه
ابتسمت وقلت: إسم حضرتك إيه؟
إبتسم: مراد، أنا بحب كتاباتك جداً وبدعمك دايما بس انا كنت هنا ف الكافية وبقرأ في دا، لو كنت أعرف إن حضرتك هتبقي موجودة كنت جبت كُتبك كلها معايا.
إبتسمت_ولا يهمك ووقعت علي الكتاب.
وإبتسم وأخده ومشي.

"مكانش زي أي شخص بيقرأ ليا وبياخد توقيعي ويمشي مش عارفه مالي كدا
ملامحه كانت هادية جدا ملامحه كلها بتدل إنه شرقي أوي عيونه السود وشعره الاسود اللي نازل علي عينيه بطريقة جميلة والتيشيرت الأبيض اللي لابسه ونظارة الشمس بتاعته"

_أسيف.
_إمم
_فيه إيه مش مضبوطة ليه ؟
_اا أبداً مفيش.
ضحكت_شوفتي عيونه السود يا بت.
إتعصبت_ميسان إتلمي.
ضحكت _حاضر
إبتسمت_أنا لازم أمشي علوة هتزعل مني.
هزت رأسها: تمام.

"أخدت حاجتي ولبست نظارة الشمس بتاعتي ومشيت وصلت بيت علياء ودخلت هناك"

يا علوةي أمال مامتك فين؟
_أنا هنا يا حبيبتي.
جريت حضنتها جداً_وحشاني جداً يا طنط.
حضنتني بحنان_إنتِ أكتر يا أسيف والله.
علياء حط إيديها في وسطها _يعني حضرتك جاية ليا ولا لمامتي؟
إبتسمت_عايزة الحقيقة؟
رفعت حاجبها_أيوة الحقيقة.
ضحكت_لمامتك.
قالت ببرود_حلو أوي يلا زي الشاطرة كدا شنطتك وعلي بيتكم.
رفعت حاجبي_مش هاجي تاني.
إبتسمت_مش عايزينك.
بصيت لها بنص حاجب_هتندمي.
هزت رأسها_تؤتؤ.

"جرس الباب رن فتحت وأنا بقول _هتلاقيها ميسان
ببص لقيته هو أيوة هو.

إستغربت_أفندم؟
ضحك وقالي _عايز أدخل
رفعت حاجبي_نعم يأخويا تدخل فين؟
ضحك_بيتنا مثلا؟
_اي دا مراد وجرت وحضنته.
إبتسم _علوة حبيبة قلبي.
ضحكت_عيوني.
قولت ببرود_متقولهاش كدا انا اللي بقولها علوة.
طنط ضحكت _مراد يا حبيبي.
إبتسم_أخبارك إيه يا أمي؟

"ثواني قالها يا أمي، أمه بجد يا لهوي الواد القمر دا يبقي اخوكِ يا علياء يا لهوي بجد "

قلت بتوتر_طب علي كدا أنا لازم أمشي.
طنط قالت بهدوء_ ليه يا بنتي دا إنتِ لسه جاية.
قلت بسرعة _لا لازم أمشي يا طنط، هتاخر عن إذن حضرتك.
وخرجت جري

*طبعا لو حلفت ليكم إني ما دخلت بيت علياء من بعدها هتصدقوني *

_أسيف
إبتسمت_نعم يا أمي.
قالت بهدوء_جاي بكرا عريس عشان يشوفك إعملي حسابك.
إتعصبت_تاني تاني يا أمي، مش قفلنا الموضوع دا
قالت بصوت عالي_لا يا أسيف وهتشوفيه بكرا غصب عنك، أنا وفقت المرة الأولى عشانك بس المرة دي إنتِ اللي هتوفقي. وخرجت
_ليه مش سايبني فى حالي ليه؟

"طب وقلبي اللي إتكسر، معنديش إستعداد إنه يتكسر تاني، ليه مش قادرين يفهموا دا؟

تاني يوم عرفت إن العريس إجه ف لبست فستان أبيض وخمار بيبي بلو
ولقيت علياء دخلت

_مبروك مبروك وحياة قلبي مبروك.
إتوترت_إتنيلي، صح إنتِ بتعملي إيه هنا
ضحكت_أمك قالتلي أجي أعقلك.
رفعت حاجبي_لا يا راجل؟
ضحكت تاني_آة والله يا زميلي؟
ضربتها في كتفها _إمشي يا علياء، قومي إمشي.
ماما دخلت وقالت إني أخرج.
قلت بتةتر _طب ممكن تقوليله يمشي.
بصتلي بنص عينوقالت:أسييييف
قمت بسرعة_جيت يا ماما.

دخلت قعدت وببص علي الأرض لقيته بيقول

_مرة لقيت كاتبة بحبها جداً عاملة بايو وفيه
"كل الإبتسامات العالقة عليأطراف وجهي سببها عيناك وما أدراك ما عيناك"

إستغربت وبصيت له لقيته مراد إبتسم وقال

_وكمان "مر صدفة من امامي فأصبح اتجاهي الوحيد "

ضحكت

فقال بهدوء_كتب الكتاب يوم ماهتنزلي المعرض موافقة؟

"وزوجً ليناً سهلاً يا الله"

ضحكت _موافقة.
إبتسم_ بحبك
إبتسمت_مراد.
ضحكت_يحبة عين مراد
_بحبك ❤

من جوف الليل الي قلوبكم

#منة_محمد_أسيف