اسكريبتاتي 💛

15🤎

" لمَّا بدا يتثنّى..
حِبي جماله فتنّا..
أومى بلحظة أسرنا..
غصنٌ سَبَى حينَ مال..
وعدي ويا حيرتي..
وعدي ويا حيرتي..
ما لي راحم لشكوتي..
في الحب من لوعتي..
إلا مليك الجمال.. "

صحيت من النوم علي صوت موشحات في البيت اللي جانبنا.. بقالي أسبوعين بسمع اصوات من البلكونة اللي جانب بلكونتي سواء بقي

'قراءن' أنشودة'شعر'موشحات أندلسية'إبتهالات'

كل يوم الصبح بصحي علي الصوت من هناك...

لبست التيشيرت بتاعتي وإتوضيت وصليت الضحي وقرأت الورد بتاعي ونزلت عشان أفطر بعد أما أمي نادات علينا..

_ماما هو مين اللي سكن في البيت اللي جانبنا؟

إبتسمت وهي بترفع وشها ليا وقالتلي..:

_فاكر طنط نور مامت نوح صاحبك في الإبتدائي اللي كان بيجي يلعب معاك هنا؟

سرحت وأنا بفتكر نوح صاحبي وأيامنا سوا كان صاحبي المقرب بس فجأة باباه اخدهم وسافروا برا مصر عشان الشغل بتاعهم..

_مش فاكر صاحبك؟ كان عنده أخت تؤام إسمها ملاك يا مراد..

مريم أختي إبتسمت وقالت لماما بهدوء..:
_ملاك بقت إسم علي مُسمي يا ماما..

ماما ضحكت وبصتلي.:
_ايوة ما شاء الله بقت عروسة قمر..

رفعت حاحبي وأنا بأخد قهوتي وبصيت لمريم..:
_مريومة.. هتنزلي معايا المكتبة إنهاردة؟

إتمسكنت وقالتلي بتمثيل..:
_مش قادرة يا مارو أنت مش شايفني تعبانة جدا؟

رفعت حاحبي وأنا ببصلها لقيتها قالت بتسرع..:
_مش هعرف أنزل معاك والله.. راحة مع ماما عند طنط نور..

أخدت فنجان القهوة بتاعي وطلعت أوضتي سمعت صوت جاي من البلكونة اللي جانبنا خرجت أشوف مين صاحبها يمكن يطلع نوح ونتكلم.. بس المفاجأة إن اللي في البلكونة كانت بنت جميلة.. ملامح وشها هادية وقاعدة علي كرسي هزاز في البلكونة بإسدال الصلاة وماسكة المصحف بتقرأ فيه وبتشرب قهوة وبتسمع سورة الأحزاب بصوت الشيخ المنشاوي

فإبتسمت ودخلت أوضتي تاني ونزلت علي شغلي في المكتبة اللي بنيتها بكل حب..
أنا مقتنع إن الكتب ليها روح ودايما بحس إنها علاج قلوبنا وعقولنا.. لإنها بتأخد الإنسان لعالم تاني كأنها بتعتذر لنا عن بشاعة البشر والعالم اللي إحنا عايشين فيه..

خلصت الورد بتاعي ورتبت الأوضة بتاعتي ولبست فستان أسود واسع وعليه خمار بيچ وأخدت الكاميرا بتاعتي ونزلت عشان الشغل بتاعي وأنا نازلة لمحت مكتبة علي الطريق فدخلتها عشان احجز كتب لحد أما ارجع بليل أخدهم.. ولإني ناقلت من دولة تانية معرفتش أجيب كتبي معايا هنا..

دخلت وفتحت شنطتي وانا بدور علي الورق اللي كاتبة فيه كل الكتب اللي محتاجها فإتكلمت من غير أما أبص علي الشخص اللي واقف وأنا بطلع الورقة..
_لو سمحت محتاجة كل الكتب اللي في الورقة دي وأنا راجعة هأخدهم لإني متأخرة..