اسكريبتاتي 💛

12

باب الأوضة دق فسمحت للشخص اللي بيخبط يدخل لقيت مراد داخل وبيقول بسرعة: أسيف إنتِ لسه مجهزتيش؟
بصيت له بإستغراب: هجهز ليه أصلا؟
رفع حاجبه: عشان هنروح عند تيتا.
سبت الكتاب من إيدي: إزاي ماما مقالتليش؟
إتعصب جامد: إجهزي يا أسيف كان زماني هناك من زمان وخالتي اللي قالتلي روح هات الست أسيف معاك فـ أيه إنجزي.
_مراد إطلع برا.
ضم حواجبه وقال: نعم؟
_إطلع برا
_أنا أكبر منك علي فكرة
غمضت عيني: هغير يا مراد.
_أهه ماتقولي كدا من الصبح بدل ما أنا مفكر إنك بتطرديني.
ضحكت: إتفضل يا مراد الله يخليك.

'كنا قاعدين كلنا سوا عند جدتي وبنضحك فجدتي إتكلمت: عايزاكم فى موضوع.
ماما إتبسمت: إتفضلي يا أمي.
ضحكت: بما إن الكل هنا فا أنا عايزة أجوز مراد وروان وأسيف ونوح.
إتكلمنا بسرعة: مستحيل.
ضمت حواجبها: ليه إن شاء الله؟
مراد همس لي: مستحيل روان بتحب نوح
فهمست له: ونوح بيحب روان أصلا.
جدتي اتكلمت: علي فكرة كنت هجوز نوح وروان لبعض.
مراد همس بضحك: أخيرا هيحسوا بينا؟
_بطل همس يا مراد وبعدين هيحسوا بمين يا مراد هه؟
جدتي إتعصبت_بطلوا همس بقي وبعدين أسيف جايلها مدرس إنجليزي قد الدنيا.
_وأنا مش موافقة.
رفعت حاجبها: يعني أي يا أسيف؟
إنسحبت بهدوء: قولت اللي عندي عن إذنكم.
ماما قالتلي بسرعة: أسيف هترجعي إزاي وإحنا هنبات هنا؟
_مبخافش يا ماما.

'دخلت بيتنا وأنا هفرقع بمعني الكلمة إزاي يقرروا حاجات زي دي وهما ميعرفوش شعورنا، إزاي يعني بناءاً علي أي يقرروا ملهمش أي حق في القرار دا'

كنت بشرب شاي بالنعناع وبقرأ في رواية لقيت الباب بيخبط قمت فتحت لقيته مراد اللي بعدني ودخل قعد علي الكنبة ومدد رجليه وبدأ يشرب الشاي بتاعي ويقرأ في الرواية بتاعتي
قعدت قدامه: جيت ليه؟
إبتسم: الشاي كان عايز نعناع زيادة
رفعت حاجبي: مرراد
إبتسم: البطل دا سمج أوي.
أخدت الكتاب من إيده: أحسن منك.
إتكلم: يا راجل.
هزيت رأسي بهدوء
إتكلم بجدية: أسيف محدش له الحق ياخد القرار دا غيرك إنتِ لوحدك.
_ما أنا عارفة كل دا بتقوله ليا ليه؟
ضحك: بقولك الكلام اللي قولته لجدتي
إبتسمت: وأكيد قالت لك تتجوز الزهراء بنت بنت أختها.
ضحك: حصل... بس أنا رفضت.
رفعت حاجبي: ليه مش كانت عجباك... دي جامدة أوي يا أسيف، نينيني.
إبتسم: ومازالت... عارفة مين المدرس؟
ضربته في كتفه: إتلم أنا قاعدة... هو مين؟
ضحك: بتغيري يا بيضة؟
_هو مين يا مراد؟
_مروان السمج.
ضحكت: البارد دا، الحمدلله إني رفضت من الأول أصلا.
ضحك: أحسن.
_بس عارف لو كان حد غيره كنت وافقت.
ضربني في كتفي: إتلمي أنا قاعد.
إتعدل في قعدته وإتكلم: أسيف هو إنتِ مش بتحسي باللي أنا بحس بيه؟
رفعت حاجبي: أحس بإيه؟
_أسيف أنا عمري ما شوفتك أختي إنتِ بالذات كنتي غير الباقي إنتِ غيرهم يا أسيف، أنا بحبك.
قمت من مكاني بسرعة: مراد إنت سامع إنت بتقول إيه
هز رأسه: أيوة سامع يا أسيف.
تليفونه رن فرد وبعد أما خلص
_يلا علي بيت جدتي.
_بس أنا مش عايزة أروح.
إتعصب: بقولك يلا.