_يا نحانيحو افهم انا مبسوطة كدا.
=منة؟
_نعم يا نُوح؟
=مراد راجع بكرا من إجازته يعني مش هنقعد كدا كتير.
_هو لحق يروح لما يرجع؟
=افهمي بس وانا هحاول اكلم مامتك واقنعها انك تعملي تطوع هنا.
_نوح اقفل الموضوع.
=منونة مش احنا اصحاب!
_واخوات
=طيب ليه مش عايزة تكملي هنا معانا.
_نوح انا لسا ليا شهرين واتخرج ارجع اعمل تطوع ليه!
=دا كلام مامتك مش كلامك.
=عن اذنك يا نُوح
"انا ونوح بيست من اربع سنين من اول لما دخلت شرطة كان في تالتة لما دخلت وعمل تطوع بعد التخرج فـ بالتالي فضل معانا نوح اقرب ليا من نفسي الصاحب الساحب فعلا دايما بيحاول يفرحني فاهمني اكتر مني ياما عيطت له وياما وقف معايا في اصعب اوقاتي محسسني اني بنته مينفعش ازعل عشان هو موجود ومفيش عياط طول ما هو موجود احن حد ف الدنيا كلها بعد امي وابويا اخويا وحبيبي ومحبش الا هو لو هشحت كدا محبش الا هو اة والله نسيت اقول اني معاه في اي مكان بيروحه وكنت معاه يوم قرايه فاتحته ويوم الخطوبة اة انا صاحبه زي ما بيقول، هو في كافه والعالم في كافه تانية"
=هيح مراد راجع بكرا يا حلاوة.
_نامي يا علياء الواحد مش ناقص وجع دماغ
=ايوة الوقتي وجع دماغ وطول ما انتِ ونُوح موجودين مفيش وجع دماغ
_ايوة انتِ قولتِ نُوح مش اي حد واتخمدِ اما نشوف حل في عوض دا.
=عوض مين؟
_صاحبك دا.
بصت ليا بغيظ وقالت..
=مراد اسمه مراد.
_ايوة.
=ليه مش مقتنعه بحبه ها ليه؟
_مش عايزة ارتبط بحد انا كدا كويسة.
=لا مش كويسة متبقيش وحيدة.
_انا مش وحيدة انتِ موجودة ونُوح موجود.
=منة يا حبيبتي انا هيجيلي يوم من الأيام وهتجوز وهيبقي عندِ عيلة دا مش معناه اني هسيبك بس هنشغل ونُوح هيتجوز كمان كام شهر وهيبقي عنده بيته وعيلته هو كمان.
_تصبحي على خير يا علياء.
"اعطيت لها ضهري وعيني مليانه دموع وبفكر في كلامها وهو انا فعلا هبقي وحيدة هي فعلا معاها حق بس انا مش غلطانة انا مقدرش ادخل في علاقة وعارفة انها ممكن تنتهي في اي وقت انا مقدرش ادخل في علاقة وعارفة انه ممكن في يوم من الأيام هو بعد عمر طويل يسبني لوحدي مش هقدر انا ضعيفة عكس ماهما شايفين انا مقدرش اشوف حد بحبه بيروح مني نُوح دايما معايا مش بيسبني لافكاري اللعينة دي بس نُوح زي ماهي قالت هيبقي عنده عيلته وبيته كمان "
أنت تقرأ
اسكريبتاتي 💛
Humorلطف ما بين السطور يوجد هنا'💙 هنا قلبي💙 هنا مراده💙 حكاوي المراد💙 #منة_محمد_أسيف
